Punjab Spectrum
Related Articles
Thar ‘ਚ ਬੈਠੇ ਲੱਕੀ ਓਬਰਾਏ ਨੂੰ ਗੋ ਲੀਆਂ ਮਾਰਨ ਵਾਲਿਆਂ ਦਾ ਐ ਨਕਾਉਂਟਰ, ਪੁਲਸ ‘ਤੇ ਚਲਾ ‘ਤੀਆਂ ਗੋ ਲੀਆਂ, ਪੁਲਸ ਅਫਸਰ ਤੋਂ ਕੀਤੇ ਵੱਡੇ ਖੁਲਾਸੇ
ਲੱਕੀ ਓਬਰਾਏ ਕਤਲ ਕੇਸ ’ਚ ਇਕ ਗ੍ਰਿਫ਼ਤਾਰ, ਅੰਮ੍ਰਿਤਸਰ ’ਚ ਸੰਖੇਪ ਮੁਕਾਬਲੇ ਮਗਰੋਂ ਮੁਲਜ਼ਮ ਸ਼ਮਿੰਦਰ ਸਿੰਘ ਜ਼ਖ਼ਮੀ
‘ਗਲਤੀ ਹੋ ਗਈ ਦੁਬਾਰਾ ਨ੍ਹੀਂ ਕਰਦਾ ਬਚਾ ਲਓ ਓਏ’ ,ਮੁਕਾਬਲੇ ਮਗਰੋਂ ਗ੍ਰਿਫਤਾਰ ਕੀਤਾ Lucky Obroi ਦਾ ਕਾਤਲ
ਪੁਲਿਸ ਨੇ ਓਬਰਾਏ ਦੇ ਗਾਇਬ ਹੋਏ ਨੌਕਰ ਉਤੇ ਵੀ ਸ਼ੱਕ ਪ੍ਰਗਟਾਇਆ
ਅੰਮ੍ਰਿਤਸਰ : ਜਲੰਧਰ ’ਚ ਆਮ ਆਦਮੀ ਪਾਰਟੀ (ਆਪ) ਆਗੂ ਲੱਕੀ ਓਬਰਾਏ ਦੇ ਕਤਲ ਕੇਸ ਦੇ ਸਿਲਸਿਲੇ ’ਚ ਪੰਜਾਬ ਪੁਲਿਸ ਨੇ ਅੰਮ੍ਰਿਤਸਰ ਤੋਂ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਡਿਪਟੀ ਇੰਸਪੈਕਟਰ ਜਨਰਲ (ਬਾਰਡਰ ਰੇਂਜ) ਸੰਦੀਪ ਗੋਇਲ ਨੇ ਕਿਹਾ ਕਿ ਮੁਲਜ਼ਮ ਦੀ ਪਛਾਣ ਸ਼ਮਿੰਦਰ ਸਿੰਘ ਵਜੋਂ ਹੋਈ ਹੈ ਜੋ ਜਲੰਧਰ ਦੇ ਮਿੱਠਾਪੁਰ ਦਾ ਵਸੀ ਹੈ। ਉਸ ਨੂੰ ਅੰਮ੍ਰਿਤਸਰ ਦੇ ਖਾਸਾ ਇਲਾਕੇ ’ਚੋਂ ਇਕ ਮੁਕਾਬਲੇ ਤੋਂ ਬਾਅਦ ਗ੍ਰਿਫ਼ਤਾਰ ਕੀਤਾ ਗਿਆ। ਉਸ ਕੋਲੋਂ 0.30 ਬੋਰ ਦੀ ਪਿਸਤੌਲ ਬਰਾਮਦ ਹੋਈ ਹੈ। ਮੁਕਾਬਲੇ ਤੋਂ ਪਹਿਲਾਂ ਮੁਲਜ਼ਮ ਸਕੂਟਰ ’ਤੇ ਜਾ ਰਿਹਾ ਸੀ ਜਦੋਂ ਪੁਲਿਸ ਨੇ ਉਸ ਨੂੰ ਰੋਕ ਲਿਆ। ਉਸ ਦਾ ਅਪਰਾਧਕ ਰੀਕਾਰਡ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਜਲੰਧਰ ਦੇ ਮਾਡਲ ਟਾਊਨ ਵਿਚ ਸ਼ੁਕਰਵਾਰ ਸਵੇਰੇ ਸਤਵਿੰਦਰਪਾਲ ਸਿੰਘ ਉਰਫ਼ ਲੱਕੀ ਓਬਰਾਏ (43) ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿਤੀ ਗਈ ਸੀ। ਹਮਲਾਵਰ ਕਾਲੇ ਹੁੱਡੀ ਵਿਚ ਸੀ ਅਤੇ ਉਸ ਨੇ 9-ਮਿਲੀਮੀਟਰ ਪਿਸਤੌਲ ਨਾਲ ਅੱਠ ਗੋਲੀਆਂ ਚਲਾਈਆਂ, ਜਿਨ੍ਹਾਂ ’ਚੋਂ ਪੰਜ ਓਬਰਾਏ ਨੂੰ ਲੱਗੀਆਂ। ਹਮਲੇ ਤੋਂ ਬਾਅਦ ਉਹ ਅਪਣੇ ਸਾਥੀ ਨਾਲ ਦੋ-ਪਹੀਆ ਵਾਹਨ ਉਤੇ ਫਰਾਰ ਹੋ ਗਿਆ।
ਪੁਲਿਸ ਨੇ ਓਬਰਾਏ ਦੇ ਗਾਇਬ ਹੋਏ ਨੌਕਰ ਉਤੇ ਵੀ ਸ਼ੱਕ ਪ੍ਰਗਟਾਇਆ ਹੈ ਅਤੇ ਇਕ ਹੁੰਡਾਈ ਕਰੇਟਾ ਕਾਰ ਤੇ ਦੋ-ਪਹੀਆ ਵਾਹਨ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਸ ਮਾਮਲੇ ਵਿਚ ਗੈਂਗਸਟਰ ਜੋਗਰਾਜ ਸਿੰਘ ਉਰਫ਼ ਜੋਗਾ ਫੋਲਰੀਵਾਲ ਨੇ ਸੋਸ਼ਲ ਮੀਡੀਆ ਉਤੇ ਜ਼ਿੰਮੇਵਾਰੀ ਲੈਣ ਦਾ ਦਾਅਵਾ ਕੀਤਾ ਹੈ। ਉਸ ਦੇ ਨਾਲ ਦਲਬੀਰਾ ਅਤੇ ਦੋ ਅਣਪਛਾਤੇ ਵਿਅਕਤੀਆਂ ਉਤੇ ਭਾਰਤੀ ਨਿਆਂ ਸੰਹਿਤਾ ਅਤੇ ਆਰਮਜ਼ ਐਕਟ ਅਧੀਨ ਮਾਮਲਾ ਦਰਜ ਕੀਤਾ ਗਿਆ ਹੈ।
ਓਬਰਾਏ ਦੇ ਭਰਾ ਨੇ ਐਫ਼.ਆਈ.ਆਰ. ਵਿਚ ਫੋਲਰੀਵਾਲ ਅਤੇ ਦਲਬੀਰਾ ਦੇ ਨਾਮ ਦਰਜ ਕਰਵਾਏ ਹਨ। ਉਸ ਨੇ ਕਿਹਾ, “ਮੇਰੇ ਭਰਾ ਨੂੰ ਕੁੱਝ ਦਿਨ ਪਹਿਲਾਂ ਹੀ ਧਮਕੀਆਂ ਮਿਲੀਆਂ ਸਨ। ਇਹ ਹੱਤਿਆ ਪੁਰਾਣੀ ਰੰਜਿਸ਼ ਦਾ ਨਤੀਜਾ ਹੈ।’’ ਜਾਣਕਾਰੀ ਮੁਤਾਬਕ, ਇਹ ਰੰਜਿਸ਼ ਖਾਲਸਾ ਕਾਲਜ ਦੀ ਵਿਦਿਆਰਥੀ ਯੂਨੀਅਨ ਦੀ ਪ੍ਰਧਾਨਗੀ ਨੂੰ ਲੈ ਕੇ ਸ਼ੁਰੂ ਹੋਈ ਸੀ। ਓਬਰੌਈ ਅਤੇ ਫੋਲਰੀਵਾਲ ਪਹਿਲਾਂ ਦੋਸਤ ਸਨ ਪਰ ਬਾਅਦ ਵਿਚ ਉਨ੍ਹਾਂ ਵਿਚ ਤਕਰਾਰ ਹੋ ਗਈ।
ਪੰਜਾਬ ਦੇ ਮੰਤਰੀ ਮੋਹਿੰਦਰ ਭਗਤ ਨੇ ਕਿਹਾ, “ਦੋਸ਼ੀਆਂ ਨੂੰ ਜਲਦੀ ਕਾਬੂ ਕੀਤਾ ਜਾਵੇਗਾ। ਕਾਨੂੰਨ-ਵਿਵਸਥਾ ਨੂੰ ਚੁਨੌਤੀ ਦੇਣ ਵਾਲਿਆਂ ਨੂੰ ਬਖ਼ਸ਼ਿਆ ਨਹੀਂ ਜਾਵੇਗਾ।’’ ਦੂਜੇ ਪਾਸੇ, ਕਾਂਗਰਸ, ਅਕਾਲੀ ਦਲ ਅਤੇ ਭਾਜਪਾ ਨੇ ਆਮ ਆਦਮੀ ਪਾਰਟੀ ਸਰਕਾਰ ਉਤੇ ਨਿਸ਼ਾਨਾ ਵਿਨ੍ਹਿਆ ਹੈ ਅਤੇ ਕਿਹਾ ਹੈ ਕਿ ਪੰਜਾਬ ਵਿਚ ਕਾਨੂੰਨ-ਵਿਵਸਥਾ ਪੂਰੀ ਤਰ੍ਹਾਂ ਢਹਿ ਗਈ ਹੈ। ਓਬਰਾਏ ਦਾ ਅੰਤਿਮ ਸੰਸਕਾਰ ਜਲੰਧਰ ਵਿਚ ਕੀਤਾ ਗਿਆ।