Punjab Spectrum
Related Articles
Bikram Majithia –ਭਗਵੰਤ ਮਾਨ ਤੇ ਅਮਿਤ ਸ਼ਾਹ ਮਿਲੇ; ਮਜੀਠੀਏ ਨੂੰ ਮਿਲੀ ਰਾਹਤ
ਮਜੀਠੀਆ ਨੂੰ ਰਾਹਤ: ਬਿਕਰਮ ਦੀ ਹਿਰਾਸਤ ਦੀ ਲੋੜ ਨਹੀਂ: ਪੰਜਾਬ ਸਰਕਾਰ
ਪੰਜਾਬ ਨੇ ਹਾਈ ਕੋਰਟ ਨੂੰ ਦਿੱਤੀ ਜਾਣਕਾਰੀ; ਗ੍ਰਿਫ਼ਤਾਰੀ ਤੋਂ ਪਹਿਲਾਂ ਸੱਤ ਦਿਨਾਂ ਦਾ ਨੋਟਿਸ ਦੇਵੇਗੀ ਸਰਕਾਰ
Majithia gets relief: Punjab tells HC custody not needed, undertakes 7-day notice before arrest ਪੰਜਾਬ ਸਰਕਾਰ ਨੇ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵਿਚ ਦੱਸਿਆ ਕਿ ਸਾਬਕਾ ਮੰਤਰੀ ਤੇ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਦੀ ਅੰਮ੍ਰਿਤਸਰ ਵਿਚ ਦਰਜ ਮਾਮਲੇ ਵਿੱਚ ਹਿਰਾਸਤ ਦੀ ਲੋੜ ਨਹੀਂ। ਜੇਕਰ ਜਾਂਚ ਏਜੰਸੀ ਨੂੰ ਬਾਅਦ ਵਿੱਚ ਉਸ ਦੀ ਹਿਰਾਸਤ ਵਿੱਚ ਪੁੱਛਗਿੱਛ ਦੀ ਲੋੜ ਪਈ ਤਾਂ ਸੱਤ ਦਿਨਾਂ ਦਾ ਪਹਿਲਾਂ ਨੋਟਿਸ ਦਿੱਤਾ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਬਿਕਰਮ ਮਜੀਠੀਆ ਨੇ ਅਗਾਊਂ ਜ਼ਮਾਨਤ ਦੇਣ ਲਈ ਹਾਈ ਕੋਰਟ ਦਾ ਰੁਖ਼ ਕੀਤਾ ਸੀ। ਇਸ ਕੇਸ ਦੀ ਸੁਣਵਾਈ ਜਸਟਿਸ ਤ੍ਰਿਭੁਵਨ ਦਹੀਆ ਨੇ ਕੀਤੀ ਤੇ ਪੰਜਾਬ ਦੇ ਵਧੀਕ ਐਡਵੋਕੇਟ-ਜਨਰਲ ਚੰਚਲ ਕੇ. ਸਿੰਗਲਾ ਨੇ ਵਕੀਲ ਕਵਿਤਾ ਜੋਸ਼ੀ ਨਾਲ ਅਦਾਲਤ ਦੇ ਸਾਹਮਣੇ ਪਹਿਲਾਂ ਤੋਂ ਭੇਜੇ ਨੋਟਿਸ ਸਬੰਧੀ ਹਲਫ਼ਨਾਮਾ ਪੇਸ਼ ਕੀਤਾ।
ਮਜੀਠੀਆ ਦੀ ਨੁਮਾਇੰਦਗੀ ਵਕੀਲ ਡੀ.ਐਸ. ਸੋਬਤੀ ਅਤੇ ਸਵਪ੍ਰੀਤ ਗੁਜਰਾਲ ਨੇ ਕੀਤੀ। ਅੰਮ੍ਰਿਤਸਰ ਦੀ ਇੱਕ ਅਦਾਲਤ ਨੇ ਪਹਿਲਾਂ ਸੀਨੀਅਰ ਅਕਾਲੀ ਆਗੂ ਵਲੋਂ ਦਾਇਰ ਕੀਤੀ ਗਈ ਅਗਾਊਂ ਜ਼ਮਾਨਤ ਅਰਜ਼ੀ ਨੂੰ ਖਾਰਜ ਕਰ ਦਿੱਤਾ ਸੀ। ਉਨ੍ਹਾਂ ਦੇ ਵਕੀਲ ਇਹ ਦਲੀਲ ਦਿੰਦੇ ਰਹੇ ਹਨ ਕਿ ਇਹ ਮਾਮਲਾ ਰਾਜਨੀਤੀ ਤੋਂ ਪ੍ਰੇਰਿਤ ਸੀ ਅਤੇ ਉਨ੍ਹਾਂ ਨੂੰ ਸਲਾਖਾਂ ਪਿੱਛੇ ਰੱਖਣ ਲਈ ਕਈ ਮਾਮਲਿਆਂ ਵਿੱਚ ਝੂਠਾ ਫਸਾਇਆ ਜਾ ਰਿਹਾ ਸੀ।
ਅਮਿਤ ਸ਼ਾਹ ਤੇ ਭਗਵੰਤ ਮਾਨ ਦੀ ਮੀਟਿੰਗ ਦਾ ਅਸਲ ਮਕਸਦ ਕੀ ਹੜ੍ਹਾਂ ਬਾਰੇ ਚਰਚਾ ਹੀ ਸੀ?
ਮੋਦੀ ਵੱਲੋਂ ਮੀਟਿੰਗ ਦਾ ਵਕਤ ਨਾ ਦੇਣ ਦਾ ਰੌਲਾ ਪਾਉਂਦਿਆਂ ਭਗਵੰਤ ਮਾਨ ਵੱਲੋਂ ਅਮਿਤ ਸ਼ਾਹ ਨਾਲ ਮੀਟਿੰਗ ਦਾ ਅਸਲ ਮਕਸਦ ਹੜ੍ਹਾਂ ਦੇ ਮਾਮਲੇ ‘ਤੇ ਗੱਲ ਕਰਨ ਨਾਲੋਂ ਜ਼ਿਆਦਾ ਪੰਜਾਬ ਵਿੱਚ ਬੀਐਸਐਫ ਦੀਆਂ ਲਾਈਆਂ ਕੰਪਨੀਆਂ ਦੇ ਅਸਲ ਮਕਸਦ ਬਾਰੇ ਗੱਲਬਾਤ ਕਰਨੀ ਅਤੇ ਇਸ ਦੀ ਬਿਮਾਰੀ ਦੌਰਾਨ ਹਰਿਆਣਾ ਦੇ ਮੁੱਖ ਮੰਤਰੀ ਅਤੇ ਪੰਜਾਬ ਦੇ ਗਵਰਨਰ ਵੱਲੋਂ ਹਸਪਤਾਲ ਜਾ ਕੇ ਦਿੱਤੇ ਸੁਨੇਹਿਆਂ ਬਾਰੇ ਅੱਗੋਂ ਸਲਾਹ ਮਸ਼ਵਰਾ ਕਰਨਾ ਜਾਪਦਾ ਹੈ।
ਜਿਹੜੀਆਂ ਗੱਲਾਂ ਭਗਵੰਤ ਮਾਨ ਨੇ ਮੀਟਿੰਗ ਤੋਂ ਬਾਅਦ ਬਾਹਰ ਆ ਕੇ ਦੱਸੀਆਂ ਉਹ ਪਹਿਲਾਂ ਵੀ ਕੇਂਦਰ ਤੱਕ ਪਹੁੰਚਾਈਆਂ ਜਾ ਚੁੱਕੀਆਂ ਨੇ।
ਉਲਟਾ ਕੇਂਦਰ ਨੇ 12 ਹਜ਼ਾਰ ਕਰੋੜ ਵਾਲੀ ਮੁਹਾਰਨੀ ਦੁਬਾਰਾ ਪੜ੍ਹ ਦਿੱਤੀ।
ਹੁਣ ਹਿੰਮਤ ਹੈ ਤਾਂ ਭਗਵੰਤ ਮਾਨ ਉਹੋ ਜਿਹੀ ਸਖਤ ਭਾਸ਼ਾ ਵਿੱਚ ਹੀ ਚਿੱਠੀ ਵਾਪਸ ਲਿਖੇ, ਜਿਸ ਜ਼ੋਰ ਨਾਲ ਉਸਨੇ 12 ਹਜ਼ਾਰ ਕਰੋੜ ਦੇ ਖਰਚਿਆਂ ਬਾਰੇ ਵੇਰਵਾ ਵਿਧਾਨ ਸਭਾ ਵਿੱਚ ਦਿੱਤਾ ਸੀ।
ਬਾਕੀ ਮੀਟਿੰਗ ਤੋਂ ਬਾਅਦ ਦੀ ਬਾਡੀ ਲੈਂਗੂਏਜ ਤੇ ਬੋਲਣ ਦੇ ਲਹਿਜੇ ਚੋਂ ਮੁੱਖ ਮੰਤਰੀ ਦੀ ਅਵਸਥਾ ਬਾਰੇ ਜੋ ਸਾਹਮਣੇ ਆ ਰਿਹਾ ਸੀ, ਉਸ ਬਾਰੇ ਕਾਫ਼ੀ ਟਿੱਪਣੀਆਂ ਹੋ ਚੁੱਕੀਆਂ ਨੇ।
#Unpopular_Opinions
#Unpopular_Ideas
#Unpopular_Facts