Punjab Spectrum
Related Articles
“BJP banks on ex-Akali MLA for first standalone Rakhar Punnia show”
Former three-time SAD MLA Manjit Singh Manna is organising the BJP’s first independent political conference at the Rakhar Punnia fair in Baba Bakala Sahib. The rally is scheduled for August 28, with Haryana CM Nayab Singh Saini and Union Minister Shivraj Singh Chouhan expected to attend.
ਅਕਾਲੀ ਦਲ ਬਾਦਲ ਦੇ ਤਿੰਨ ਵਾਰ ਵਿਧਾਇਕ ਰਹੇ ਮਨਜੀਤ ਸਿੰਘ ਮੰਨਾ ਰੱਖੜ ਪੁੰਨਿਆ ਦੇ ਮੌਕੇ ਬਾਬਾ ਬਕਾਲਾ ਸਾਹਿਬ ਵਿਖੇ ਭਾਜਪਾ ਦੇ ਪਹਿਲੇ ਸਿਆਸੀ ਇਕੱਠ ਦੀ ਤਿਆਰੀ ਕਰਨ ਵਿੱਚ ਲੱਗੇ ਹੋਏ ਹਨ।
ਅਕਾਲੀ ਦਲ ਬਾਦਲ ਲਈ ਇਹੀ ਰੈਲੀ ਕਰਨ ਦਾ ਉੱਨਾਂ ਦਾ 15 ਸਾਲਾਂ ਦਾ ਤਜ਼ਰਬਾ ਹੈ। ਉਸੇ ਤਜਰਬੇ ਦੀ ਵਰਤੋਂ ਹੁਣ ਉਹ ਭਾਜਪਾ ਦੀ ਰੈਲੀ ਕਾਮਯਾਬ ਕਰਨ ਵਿੱਚ ਕਰ ਰਹੇ ਹਨ।
2027 ਦੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਭਾਜਪਾ ਅਤੇ ਸ਼੍ਰੋਮਣੀ ਅਕਾਲੀ ਦਲ (ਸਦ) ਵਿਚਕਾਰ ਸੰਭਾਵੀ ਸਮਝੌਤੇ ਬਾਰੇ ਚਰਚਾਵਾਂ ਚੱਲ ਰਹੀਆਂ ਹਨ, ਜਿਸ ਕਾਰਨ ਇਸ ਰੈਲੀ ਦੀ ਸਿਆਸੀ ਮਹੱਤਤਾ ਹੋਰ ਵੀ ਵਧ ਗਈ ਹੈ।
ਅੰਮ੍ਰਿਤਸਰ ਜ਼ਿਲ੍ਹੇ ਵਿੱਚ ਪੰਥਕ ਸੀਟ ਅਤੇ ਅਨੁਸੂਚਿਤ ਜਾਤੀ ਲਈ ਰਾਖਵਾਂ ਹਲਕਾ ਹੋਣ ਦੇ ਨਾਤੇ, ਬਾਬਾ ਬਕਾਲਾ ਰਵਾਇਤੀ ਤੌਰ ‘ਤੇ ਅਕਾਲੀ ਦਲ ਦਾ ਗੜ੍ਹ ਰਿਹਾ ਹੈ ਜਦੋਂ ਇਹ ਦੋਵੇਂ ਪਾਰਟੀਆਂ ਗਠਜੋੜ ਵਿੱਚ ਸਨ।
ਮੰਨਾ, ਜੋ 2022 ਦੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਭਾਜਪਾ ਵਿੱਚ ਸ਼ਾਮਲ ਹੋਏ ਸਨ ਅਤੇ ਖਡੂਰ ਸਾਹਿਬ ਸੰਸਦੀ ਸੀਟ ਤੋਂ ਅਸਫਲ ਰਹੇ ਸਨ, ਹੁਣ ਬਾਬਾ ਬਕਾਲਾ ਵਿਧਾਨ ਸਭਾ ਸੀਟ ਤੋਂ ਪਾਰਟੀ ਦੀ ਟਿਕਟ ‘ਤੇ ਨਜ਼ਰ ਰੱਖ ਰਹੇ ਹਨ। ਰੱਖੜ ਪੁੰਨਿਆ ਰੈਲੀ ਮੰਨੇ ਵਾਸਤੇ ਹਲਕੇ ਵਿੱਚ ਸਿਆਸੀ ਤਾਕਤ ਦਾ ਪ੍ਰਦਰਸ਼ਨ ਕਰਨ ਦਾ ਮੌਕਾ ਹੈ।
ਸੂਬੇ ਦੇ ਭਾਜਪਾ ਇੰਚਾਰਜ ਸਤੀਸ਼ ਪੂਨੀਆ ਦੇ ਨਾਲ-ਨਾਲ ਕੇਂਦਰੀ ਖੇਤੀਬਾੜੀ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਅਤੇ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦੇ ਇਸ ਰੈਲੀ ‘ਚ ਪਹੁੰਚਣ ਦੀ ਉਮੀਦ ਹੈ।
ਇਸ ਰੈਲੀ ਨੂੰ ਇੱਕ ਵੱਡੀ ਲਾਮਬੰਦੀ ਮੁਹਿੰਮ ਵਜੋਂ ਪੇਸ਼ ਕੀਤਾ ਜਾ ਰਿਹਾ ਹੈ ਕਿਉਂਕਿ ਮਾਝਾ ਖੇਤਰ ਦੇ ਕੋਨੇ-ਕੋਨੇ ਤੋਂ ਸ਼ਰਧਾਲੂ ਰਵਾਇਤੀ ਤੌਰ ‘ਤੇ ਇਸ ਤਿਉਹਾਰ ਲਈ ਇਕੱਠੇ ਹੁੰਦੇ ਹਨ।
ਭਾਜਪਾ ਮਾਝੇ ਸੀਨੀਅਰ ਆਗੂ ਤੇ ਪਾਰਟੀ ਦੇ ਬੁਲਾਰੇ ਯਦਵਿੰਦਰ ਸਿੰਘ ਬੁੱਟਰ ਨੇ ਕਿਹਾ ਕਿ ਰੈਲੀ ਦੀਆਂ ਜੋਰ ਸ਼ੋਰ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ।
ਬੁੱਟਰ ਨੇ ਕਿਹਾ, “ਮਾਝੇ ਦੇ ਭਾਜਪਾ ਵਰਕਰ ਇਸ ਰੈਲੀ ਨੂੰ ਲੈ ਕੇ ਕਾਫੀ ਉਤਸ਼ਾਹਤ ਹਨ। ਇਹ ਰੈਲੀ ਪਿਛਲੇ ਕੁਝ ਸਾਲਾਂ ਦੌਰਾਨ ਪਿੰਡਾਂ ਵਿੱਚ ਭਾਜਪਾ ਦੀ ਸਖ਼ਤ ਮਿਹਨਤ ਦਾ ਨਤੀਜਾ ਹੈ।”
ਲਗਭਗ 3 ਤੋਂ 3.5 ਏਕੜ ਵਿੱਚ ਫੈਲੇ ਵੱਡੇ ਹੈਂਗਰ ਵਰਗੇ ਢਾਂਚੇ ਦੇ ਹੇਠਾਂ 5,000 ਤੋਂ ਵੱਧ ਲੋਕਾਂ ਦੇ ਬੈਠਣ ਦੀ ਸਮਰੱਥਾ ਵਾਲਾ ਪੰਡਾਲ ਤਿਆਰ ਕੀਤਾ ਜਾ ਰਿਹਾ ਹੈ।
ਚੀਮਾ ਨੇ ਕਿਹਾ ਕਿ ਪਾਰਟੀ ਨੇ ਇਤਿਹਾਸਕ ਤੌਰ ‘ਤੇ ਅਕਾਲੀ ਦਲ ਨਾਲ ਗਠਜੋੜ ਦੇ ਦਾਇਰੇ ਵਿੱਚ ਕੰਮ ਕਰਦੀ ਰਹੀ। ਛਪਾਰ ਦਾ ਮੇਲਾ, ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਮਾਘੀ ਮੇਲਾ ਅਤੇ ਬਾਬਾ ਬਕਾਲਾ ਸਾਹਿਬ ਵਿਖੇ ਰੱਖੜ ਪੁੰਨਿਆ ਸਮੇਤ ਰਾਜ ਦੇ ਪ੍ਰਮੁੱਖ ਧਾਰਮਿਕ ਮੇਲਿਆਂ ਵਿੱਚ ਪਾਰਟੀ ਆਪਣੇ ਪੱਧਰ ‘ਤੇ ਸਿਆਸੀ ਇਕੱਠ ਨਹੀਂ ਕਰਦੀ ਸੀ। ਇਨ੍ਹਾਂ ਸਮਾਗਮਾਂ ‘ਤੇ ਰਵਾਇਤੀ ਤੌਰ ‘ਤੇ ਅਕਾਲੀ ਦਲ ਦਾ ਦਬਦਬਾ ਰਿਹਾ ਹੈ, ਜਿਸ ਵਿੱਚ ਭਾਜਪਾ ਵਰਕਰ ਗਠਜੋੜ ਭਾਈਵਾਲਾਂ ਵਜੋਂ ਹਿੱਸਾ ਲੈਂਦੇ ਰਹੇ ਹਨ।
ਭਾਜਪਾ ਨੇ ਪਹਿਲੀ ਵਾਰ ਪਿਛਲੇ ਸਾਲ ਛਪਾਰ ਦੇ ਮੇਲੇ ਵਿੱਚ ਇੱਕ ਕਾਨਫਰੰਸ ਕਰਨ ਦੀ ਯੋਜਨਾ ਬਾਈ ਸੀ, ਪਰ ਪੰਜਾਬ ਵਿੱਚ ਭਾਰੀ ਹੜ੍ਹਾਂ ਆਉਣ ਕਾਰਨ ਸਮਾਗਮ ਨੂੰ ਰੱਦ ਕਰ ਦਿੱਤਾ ਗਿਆ ਸੀ। ਹਾਲਾਂਕਿ, ਇਸ ਸਾਲ ਜਨਵਰੀ ਵਿੱਚ, ਭਾਜਪਾ ਨੇ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਮਾਘੀ ਮੇਲੇ ਵਿੱਚ ਆਪਣੀ ਪਹਿਲੀ ਕਾਨਫਰੰਸ ਕੀਤੀ ਸੀ। ਬਾਬਾ ਬਕਾਲਾ ਰੈਲੀ ਪੰਜਾਬ ਵਿੱਚ ਕਿਸੇ ਪ੍ਰਮੁੱਖ ਰਵਾਇਤੀ ਮੇਲੇ ਵਿੱਚ ਪਾਰਟੀ ਦੀ ਦੂਜੀ ਕਾਨਫਰੰਸ ਹੋਵੇਗੀ।
ਮੰਨਾ ਤੋਂ ਵੀ ਇਹ ਪੁੱਛਿਆ ਗਿਆ ਕਿ ਕੀ ਉਹ ਇਸ ਗੱਲ ਤੋਂ ਚਿੰਤਤ ਹਨ ਕਿ ਜੇਕਰ ਦੋਵੇਂ ਪਾਰਟੀਆਂ ਅਖੀਰ ਵਿੱਚ ਹੱਥ ਮਿਲਾ ਲੈਂਦੀਆਂ ਹਨ ਤਾਂ ਬਾਬਾ ਬਕਾਲਾ ਵਾਪਸ ਅਕਾਲੀ ਦਲ ਦੇ ਘੇਰੇ ਵਿੱਚ ਆ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਪਾਰਟੀ ਲੀਡਰਸ਼ਿਪ ‘ਤੇ ਨਿਰਭਰ ਕਰਦਾ ਹੈ। ਮੰਨਾ ਨੇ ਕਿਹਾ, “ਇਹ ਪਾਰਟੀ ਨੇ ਤੈਅ ਕਰਨਾ ਹੈ। ਮੈਂ ਜ਼ਮੀਨੀ ਪੱਧਰ ਦਾ ਆਗੂ ਹਾਂ ਅਤੇ ਪਾਰਟੀ ਲਈ ਕੰਮ ਕਰ ਰਿਹਾ ਹਾਂ।”
Kamaldeep Singh Brar