Punjab Spectrum
Related Articles
Punjab’s Cancer Belt: A Misplaced Crisis
ਕੈਂਸਰ ਦੇ ਨਾਂ ‘ਤੇ ਗੰਜੇ ਧੋਖੇਬਾਜ਼ ਨੇ ਦਾਨ ਇਕੱਠਾ ਕਰਨ ਲਈ ਪੰਜਾਬ ਦੇ ਲੋਕਾਂ ਨੂੰ ਮੂਰਖ ਬਣਾਇਆ।
ਪੰਜਾਬ ਮੁਲਕ ਦੀ ਕੈਂਸਰ ਰਾਜਧਾਨੀ ਵੀ ਨਹੀਂ ਹੈ, ਦੁਨੀਆ ਦੀ ਕੈਂਸਰ ਰਾਜਧਾਨੀ ਦੀ ਤਾਂ ਗੱਲ ਹੀ ਛੱਡੋ।
ਇਸ ਤੋਂ ਇਲਾਵਾ ਬਠਿੰਡਾ ਤੋਂ ਬੀਕਾਨੇਰ ਤੱਕ ਕੋਈ ਕੈਂਸਰ ਰੇਲਗੱਡੀ ਨਹੀਂ ਚੱਲਦੀ ਹੈ। ਇਸ ਬਾਰੇ ਵੀ ਸਪੱਸ਼ਟ ਕੀਤਾ ਹੈ।
ਅਸੀਂ ਇਸ ਬਾਰੇ ਪਹਿਲਾਂ ਵੀ ਕਈ ਵਾਰ ਲਿਖਿਆ ਹੈ।
ਪੰਜਾਬ ਕੇਂਦਰੀ ਯੂਨੀਵਰਸਿਟੀ, ਬਠਿੰਡਾ ਦੇ ਪ੍ਰੋਫੈਸਰਾਂ ਨੇ ਅੱਜ ਅਖ਼ਬਾਰ ਵਿੱਚ ਇੱਕ ਵਿਸਥਾਰਤ ਲੇਖ ਲਿਖਿਆ ਹੈ।
ਪਰ ਦੁਖਦਾਈ ਤੌਰ ‘ਤੇ ਅਸੀਂ ਇੱਕ ਭਾਈਚਾਰੇ ਵਜੋਂ ਆਪਣੀਆਂ ਤਾਕਤਾਂ ਅਤੇ ਕਮਜ਼ੋਰੀਆਂ ਨੂੰ ਸਮਝਣ ਵਿੱਚ ਅਸਫਲ ਰਹਿੰਦੇ ਹਾਂ।
ਪ੍ਰੋਫੈਸਰ ਲਿਖਦੇ ਹਨ ਕਿ ਲੰਗਰ ਸੇਵਾ ਦੀ ਭਾਵਨਾ ਨਾਲ ਤਕੜੇ ਕੀਤੇ ਗਏ ਪੰਜਾਬ ਦੇ ਚਰਿੱਤਰ ਕਾਰਨ ਕੈਂਸਰ ਦੀ ਦਰ ਘੱਟ ਹੈ ਅਤੇ ਜੀਵਨ ਸੰਭਾਵਨਾ ਵੱਧ ਹੈ।
ਪਰ ਗੰਜੇ ਸਿਰ ਵਾਲਾ ਧੋਖੇਬਾਜ਼ ਲੰਗਰ ਬਾਰੇ ਵੀ ਹੌਲੀਆਂ ਟਿੱਪਣੀਆਂ ਕਰਦਾ ਰਿਹਾ।
ਇਹ ਲੇਖ ਧਿਆਨ ਨਾਲ ਪੜ੍ਹੋ, ਬਹੁਤ ਕੁਝ ਸਾਫ਼ ਹੁੰਦਾ ਹੈ।
ਬਠਿੰਡਾ ਵਿੱਚ ਇਕ ਲੱਖ ਦੀ ਜਨਸੰਖਿਆ ਮਗਰ ਕੈਂਸਰ ਦੇ 125 ਕੇਸ ਹਨ। ਰਾਸ਼ਟਰੀ ਔਸਤ 100 ਦੀ। ਇਸ ਦੇ ਮੁਕਾਬਲੇ ਦਿੱਲੀ ਵਿੱਚ 146, ਕੇਰਲਾ ਵਿੱਚ 135 ਅਤੇ ਮਿਜ਼ੋਰਮ ਵਿੱਚ 256 ਹਨ।
ਇਹ ਲੇਖ ਦਲੀਲ ਦੇ ਰਿਹਾ ਹੈ ਕਿ ਜੇ 125 ਦੀ ਔਸਤ ਨਾਲ ਕਿਸੇ ਖਿੱਤੇ ਨੂੰ ਕੈਂਸਰ ਬੈਲਟ ਕਿਹਾ ਜਾਣਾ ਹੈ ਤਾਂ ਫਿਰ ਮਿਜ਼ੋਰਮ ਨੂੰ ਰਾਸ਼ਟਰੀ ਐਮਰਜੰਸੀ ਕਿਹਾ ਜਾਵੇ।
ਇਸ ਮੁਤਾਬਿਕ ਕੈਂਸਰ ਬੈਲਟ ਵਾਲਾ ਬਿਰਤਾਂਤ ਸਿਰਫ ਇੱਕ ਮਿੱਥ ਹੈ।
ਪੰਜਾਬ ਵਿੱਚ ਕੈਂਸਰ ਤਾਂ ਹੈ ਪਰ ਉਨਾ ਨਹੀਂ ਜਿੰਨਾ ਪ੍ਰਚਾਰ ਕੀਤਾ ਜਾ ਰਿਹਾ ਹੈ।
ਪਰ ਕਿਸੇ ਗੰਜੇ ਨੇ ਪ੍ਰਚਾਰ ਨਾਲ ਇਸ ਨੂੰ ਧੰਦਾ ਬਣਾ ਲਿਆ।
ਇਸੇ ਤਰ੍ਹਾਂ ਪੰਜਾਬ ਵਿੱਚ ਜਾਤ ਪਾਤ ਤਾਂ ਹੈ ਪਰ ਜਾਤੀਵਾਦ ਉਨਾ ਜਾਂ ਉਸ ਤਰ੍ਹਾਂ ਦਾ ਬਿਲਕੁਲ ਵੀ ਨਹੀਂ ਹੈ ਜਿਵੇਂ ਬਾਕੀ ਖਿੱਤਿਆਂ ਵਿੱਚ ਹੈ।
ਪਰ ਸੰਘੀ ਸੰਦ ਅਤੇ ਕਈ ਫਰਜ਼ੀ ਅੰਬੇਦਕਰੀ ਇਵੇਂ ਉਭਾਰ ਰਹੇ ਨੇ ਜਿਵੇਂ ਪੰਜਾਬ ਵਿੱਚ ਜਾਤੀਵਾਦ ਸਭ ਤੋਂ ਜ਼ਿਆਦਾ ਹੋਵੇ। ਇਸ ਪ੍ਰਚਾਰ ਨਾਲ ਉਹ ਵੀ ਵਿੱਤੀ ਤੇ ਸਿਆਸੀ ਧੰਦਾ ਹੀ ਚਲਾ ਰਹੇ ਨੇ।
ਸਾਨੂੰ ਆਪਣੀਆਂ ਕਮਜ਼ੋਰੀਆਂ ਅਤੇ ਗਲਤੀਆਂ ਦਾ ਪਤਾ ਹੋਣਾ ਚਾਹੀਦਾ ਹੈ ਪਰ ਝੂਠੇ ਪ੍ਰੋਪੇਗੰਡੇ ਦਾ ਸ਼ਿਕਾਰ ਨਾ ਹੋਵੋ।
* ਸਾਡਾ ਦਿਲ ਕਰਦਾ ਹੈ ਕਿ ਆਪਣਾ ਬਹੁਤਾ ਧਿਆਨ ਪੰਜਾਬ ਲਈ ਉਸਾਰੂ ਏਜੰਡਾ ਤਿਆਰ ਕਰਨ ‘ਤੇ ਲਾਈਏ ਪਰ ਬਹੁਤੀ ਊਰਜਾ ਝੂਠੇ ਬਿਰਤਾਂਤਾਂ ਦਾ ਮੁਕਾਬਲਾ ਕਰਨ ‘ਤੇ ਹੀ ਲੱਗ ਜਾਂਦੀ ਹੈ।
