Punjab Spectrum
Related Articles
UK ਦੇ ਮੈਨਚੈਸਟਰ ‘ਚ ਸਿਨੇਗੋਗ ਵਿਚ ਹਮਲਾ, ਹਮਲੇ ਵਿਚ 2 ਲੋਕਾਂ ਦੀ ਮੌ+ਤ, 4 ਜ਼ਖ਼ਮੀ…
ਮੈਟਰੋਪੋਲੀਟਨ ਪੁਲਿਸ ਅਤਿਵਾਦ-ਵਿਰੋਧੀ ਕਮਾਂਡ ਨੇ ਬਾਅਦ ਵਿਚ ਪੁਸ਼ਟੀ ਕੀਤੀ ਕਿ ਦੋ ਗ੍ਰਿਫਤਾਰੀਆਂ ਕੀਤੀਆਂ ਗਈਆਂ ਹਨ।
ਲੰਡਨ : ਯਹੂਦੀਆਂ ਦੇ ਪਵਿੱਤਰ ਦਿਹਾੜੇ ਯੋਮ ਕਿਪੁਰ ਦੇ ਮੌਕੇ ਉਤੇ ਵੀਰਵਾਰ ਨੂੰ ਮਾਨਚੈਸਟਰ ਦੇ ਇਕ ਪ੍ਰਾਰਥਨਾ ਸਥਾਨ ਉਤੇ ਚਾਕੂ ਅਤੇ ਕਾਰ ਨਾਲ ਕੀਤੇ ‘ਅਤਿਵਾਦੀ ਹਮਲੇ’ ’ਚ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ। ਪੁਲਿਸ ਨੇ ਸ਼ੱਕੀ ਹਮਲਾਵਰ ਨੂੰ ਮਾਰ ਦਿਤਾ।
ਗ੍ਰੇਟਰ ਮੈਨਚੈਸਟਰ ਪੁਲਿਸ ਨੇ ਕਿਹਾ ਕਿ ਉੱਤਰੀ ਇੰਗਲੈਂਡ ਦੇ ਕਰੰਪਸਾਲ ਵਿਚ ਮਿਡਲਟਨ ਰੋਡ ਉਤੇ ਹੀਟਨ ਪਾਰਕ ਹਿਬਰੂ ਕਲੀਗੇਸ਼ਨ ਸਿਨਾਗੋਗ ਵਿਚ ਜਨਤਾ ਦੇ ਤਿੰਨ ਮੈਂਬਰਾਂ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਮੈਟਰੋਪੋਲੀਟਨ ਪੁਲਿਸ ਅਤਿਵਾਦ-ਵਿਰੋਧੀ ਕਮਾਂਡ ਨੇ ਬਾਅਦ ਵਿਚ ਪੁਸ਼ਟੀ ਕੀਤੀ ਕਿ ਦੋ ਗ੍ਰਿਫਤਾਰੀਆਂ ਕੀਤੀਆਂ ਗਈਆਂ ਹਨ।
ਅਤਿਵਾਦ ਵਿਰੋਧੀ ਪੁਲਿਸਿੰਗ ਦੇ ਕੌਮੀ ਮੁਖੀ ਮੈਟ ਪੁਲਿਸ ਦੇ ਸਹਾਇਕ ਕਮਿਸ਼ਨਰ ਲਾਰੈਂਸ ਟੇਲਰ ਨੇ ਇਕ ਪ੍ਰੈਸ ਕਾਨਫਰੰਸ ਵਿਚ ਕਿਹਾ ਕਿ ਪ੍ਰਾਰਥਨਾ ਸਥਾਨ ਦੇ ਬਾਹਰ ਚਾਕੂ ਨਾਲ ਹਮਲਾ ਦਾ ਸ਼ਿਕਾਰ ਬਣੇ ਲੋਕਾਂ ਵਿਚ ਇਕ ਸੁਰੱਖਿਆ ਗਾਰਡ ਵੀ ਸ਼ਾਮਲ ਸੀ, ਜਦਕਿ ਲੋਕਾਂ ਦੇ ਇਕੱਠ ਉਤੇ ਇਕ ਕਾਰ ਚੜ੍ਹਾਈ ਗਈ ਸੀ, ਜਿਸ ਵਿਚ ਕਈ ਹੋਰ ਜ਼ਖਮੀ ਹੋ ਗਏ।
ਇਸ ਤੋਂ ਤੁਰਤ ਬਾਅਦ ਪੁਲਿਸ ਨੇ ਅੰਦਰੂਨੀ ਤੌਰ ਉਤੇ ਆਪਰੇਸ਼ਨ ਪਲੈਟੋ ਦਾ ਐਲਾਨ ਕੀਤਾ ਸੀ, ਜੋ ਕਿ ਐਮਰਜੈਂਸੀ ਸੇਵਾਵਾਂ ਵਲੋਂ ‘ਅਤਿਵਾਦੀ ਹਮਲੇ’ ਦਾ ਜਵਾਬ ਦੇਣ ਵੇਲੇ ਵਰਤਿਆ ਜਾਂਦਾ ਇਕ ‘ਕੋਡਵਰਡ’ ਹੈ।
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਨੇ ਡੈਨਮਾਰਕ ਵਿਚ ਯੂਰਪੀਅਨ ਸਿਆਸੀ ਭਾਈਚਾਰਾ ਸੰਮੇਲਨ ਵਿਚ ਅਪਣੀ ਯਾਤਰਾ ਰੱਦ ਕਰ ਦਿਤੀ ਅਤੇ ਹੰਗਾਮੀ ਸੁਰੱਖਿਆ ਮੀਟਿੰਗ ਲਈ ਡਾਊਨਿੰਗ ਸਟਰੀਟ ਵਾਪਸ ਆ ਗਏ। ਉਨ੍ਹਾਂ ਕਿਹਾ ਕਿ ਉਹ ‘ਹੈਰਾਨ’ ਅਤੇ ‘ਪੂਰੀ ਤਰ੍ਹਾਂ ਹੈਰਾਨ ਹਨ’। ਸਟਾਰਮਰ ਨੇ ਕਿਹਾ, ‘‘ਅਸੀਂ ਅਪਣੇ ਯਹੂਦੀ ਭਾਈਚਾਰੇ ਨੂੰ ਸੁਰੱਖਿਅਤ ਰੱਖਣ ਲਈ ਸੱਭ ਕੁੱਝ ਕਰਾਂਗੇ। ਦੇਸ਼ ਭਰ ਦੇ ਪ੍ਰਾਰਥਨਾ ਸਥਾਨਾਂ ਵਿਚ ਵਾਧੂ ਪੁਲਿਸ ਜਾਇਦਾਦ ਤਾਇਨਾਤ ਕੀਤੀ ਜਾ ਰਹੀ ਹੈ।’’
ਬਕਿੰਘਮ ਪੈਲੇਸ ਨੇ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਰਾਜਾ ਚਾਰਲਸ ਅਤੇ ਮਹਾਰਾਣੀ ਕੈਮਿਲਾ ਇਸ ਹਮਲੇ ਬਾਰੇ ਸੁਣ ਕੇ ‘ਬਹੁਤ ਸਦਮੇ ਅਤੇ ਦੁਖੀ’ ਹਨ, ‘ਖ਼ਾਸਕਰ ਯਹੂਦੀ ਭਾਈਚਾਰੇ ਲਈ ਅਜਿਹੇ ਮਹੱਤਵਪੂਰਨ ਦਿਨ।’
ਮਾਨਚੈਸਟਰ ’ਚ ਅਤਿਵਾਦੀ ਹਮਲਾ
ਯਹੂਦੀਆਂ ਦੇ ਪਵਿੱਤਰ ਦਿਹਾੜੇ ਮੌਕੇ ਪ੍ਰਾਰਥਨਾ ਸਥਾਨ ‘ਤੇ ਹਮਲੇ ’ਚ 2 ਮੌਤਾਂ
ਪੁਲਿਸ ਨੇ ਹਮਲਾਵਰ ਨੂੰ ਵੀ ਮਾਰ ਦਿੱਤਾ
Starmer Condemns Rising Antisemitism After Manchester Synagogue Attack
UK Prime Minister Keir Starmer has strongly condemned the terrorist attack on a synagogue in Manchester’s Crumpsall area on October 2, 2025, where two people were killed and four others injured. The attack, which occurred at Heaton Park Hebrew Congregation during Yom Kippur prayers, involved a lone assailant who drove into a crowd and stabbed attendees before being shot dead by police.Speaking after an emergency COBRA meeting, Starmer described the incident as a deliberate targeting of the Jewish community, calling it a “heinous act of terrorism.” He vowed that Britain must “defeat the rising tide of antisemitic hatred,” emphasizing the need to combat growing hate crimes. Official figures indicate over 1,500 antisemitic incidents in the UK in 2025, reflecting a worrying surge.