Punjab Spectrum
Related Articles
Canada – -ਭਾਰਤੀ ਏਜੰਸੀਆਂ ਨੂੰ ਗੈਂਗਸਟਰਾਂ ਦੇ ਭੇਤ ਅਮਰੀਕਾ ਕੋਲ ਸੌਂਪਣੇ ਹੀ ਪਏ
ਅਮਰੀਕਾ ਵਲੋਂ ਭਾਰਤੀ ਗੈਂਗਸਟਰਾਂ ਲਾਰੈਂਸ ਬਿਸ਼ਨੋਈ, ਗੋਲਡੀ ਬਰਾੜ, ਰੋਹਿਤ ਗੋਦਾਰਾ ਅਤੇ ਜੱਗੂ ਭਗਵਾਨਪੁਰੀਆਂ ਦੇ ਸਾਥੀਆਂ ਦੇ ਅਮਰੀਕਾ-ਕੈਨੇਡਾ ਵਿਚਲੇ ਟਿਕਾਣਆਂ ਦੀ ਜਾਣਕਾਰੀ ਭਾਰਤੀ ਏਜੰਸੀਆਂ ਨੂੰ ਅਮਰੀਕਾ ਕੋਲ ਸੌਂਪਣੀ ਪਈ, ਜਿਸ ਵਿੱਚ ਇਨ੍ਹਾਂ ਦੇ ਨਾਮ ਤੇ ਲੁਕਣਗਾਹਾਂ ਸ਼ਾਮਲ ਸਨ। ……ਤੇ ਫਿਰ ਇਨ੍ਹਾਂ ‘ਤੇ ਵੱਡੀ ਕਾਰਵਾਈ ਹੋ ਗਈ।
ਭਾਰਤੀ ਏਜੰਸੀਆਂ ਕੋਲ ਇਹ ਜਾਣਕਾਰੀ ਕਿੱਥੋਂ ਆ ਗਈ, ਜੇ ਉਨ੍ਹਾਂ ਦਾ ਇਨ੍ਹਾਂ ਗੈਂਗਸਟਰਾਂ ਨਾਲ ਕੋਈ ਲੈਣਾ ਦੇਣਾ ਹੀ ਨਹੀਂ?
ਆਪਣੇ ਹੀ ਲੋਕਾਂ ਤੋਂ ਫਿਰੌਤੀਆਂ ਮੰਗਣ ਵਾਲੇ ਉਨ੍ਹਾਂ ‘ਤੇ ਗੋਲੀਆਂ ਚਲਾਉਣ ਵਾਲੇ ਸਮਝ ਜਾਣ ਕਿ ਉਨ੍ਹਾਂ ਨੂੰ ਵਰਤ ਕੇ ਫੜਵਾਇਆ ਜਾ ਰਿਹਾ ਤੇ ਜਾਵੇਗਾ।
ਏਨੇ ਸਬੂਤ ਕਾਫ਼ੀ ਨਹੀਂ?
-2023 ਵਿੱਚ ਕੈਨੇਡਾ ਸਰਕਾਰ ਨੇ ਛੇ ਭਾਰਤੀ ਡਿਪਲੋਮੈਟ ਕੈਨੇਡਾ ‘ਚੋਂ ਬਾਹਰ ਕੱਢੇ। ਜ਼ਾਹਰ ਹੈ ਕਿ ਉਨ੍ਹਾਂ ‘ਤੇ ਕੈਨੇਡਾ ਵਿੱਚ ਗਲਤ ਕੰਮ ਕਰਨ ਦੇ ਦੋਸ਼ ਸਨ।
-ਇੰਗਲੈਂਡ ਦੀਆਂ ਖੁਫੀਆ ਏਜੰਸੀਆਂ ਦੇ ਵੱਡੇ ਅਧਿਕਾਰੀ ਨੇ ਖ਼ੁਦ ਕੈਨੇਡਾ ਆ ਕੇ ਅਤਿ ਗੁਪਤ ਦਸਤਾਵੇਜ਼ ਕੈਨੇਡਾ ਨੂੰ ਸੌਂਪਿਆ, ਜਿਸ ਵਿੱਚ ਸਬੂਤ ਹਨ ਕਿ ਭਾਰਤੀ ਏਜੰਟ ਭਾਈ ਨਿੱਝਰ ਨੂੰ ਮਰਵਾਉਣ ਦੀ ਸਾਜ਼ਿਸ਼ ਘੜਦੇ ਅਤੇ ਜ਼ਿੰਮੇਵਾਰੀ ਲੈਂਦੇ ਇੰਗਲੈਂਡ ਵਿੱਚ ਰਿਕਾਰਡ ਹੋ ਗਏ ਸਨ। ਉਸਤੋਂ ਬਾਅਦ ਹੀ ਟਰੂਡੋ ਨੇ ਪਾਰਲੀਮੈਂਟ ਵਿੱਚ ਖੜ੍ਹ ਕੇ ਭਾਈ ਨਿੱਝਰ ਨੂੰ ਖਤਮ ਕਰਾਉਣ ਵਿੱਚ ਭਾਰਤ ਸਰਕਾਰ ਦੇ ਏਜੰਟਾਂ ਦੀ ਭੂਮਿਕਾ ਨੰਗੀ ਕੀਤੀ।
-ਭਾਰਤੀ ਏਜੰਟ ਨਿਖਿਲ ਗੁਪਤਾ ਅਮਰੀਕਾ ਦੀ ਅਦਾਲਤ ਵਿੱਚ ਆਪਣਾ ਗੁਨਾਹ ਕਬੂਲ ਕਰ ਚੁੱਕਾ ਕਿ ਭਾਰਤੀ ਖੁਫੀਆ ਏਜੰਸੀ “ਰਾਅ” ਨੇ ਉਸਨੂੰ ਗੁਰਪਤਵੰਤ ਸਿੰਘ ਪੰਨੂ ਨੂੰ ਮਰਵਾਉਣ ਦਾ ਕੰਮ ਸੌਂਪਿਆ ਸੀ, ਪਰ ਉਹ ਅਮਰੀਕਨ ਜਾਲ ਵਿੱਚ ਫਸ ਗਿਆ।
-ਨਿਖਿਲ ਗੁਪਤਾ ਅਮਰੀਕਾ ਦੀ ਅਦਾਲਤ ਵਿੱਚ ਮੰਨਿਆ ਕਿ ਉਸਨੇ ਅਮਰੀਕਨ ਅੰਡਰਕਵਰ ਅਧਿਕਾਰੀ ਨੂੰ ਵੀਡੀਓ ਦਿਖਾਈ, ਜੋ ਭਾਈ ਹਰਦੀਪ ਸਿੰਘ ਨਿੱਝਰ ਨੂੰ ਕਤਲ ਕਰਨ ਤੋਂ ਬਾਅਦ ਬਣਾਈ ਗਈ ਸੀ। ਉਸਨੇ ਇਸ ਅੰਡਰਕਵਰ ਏਜੰਟ ਨੂੰ ਕਿਹਾ ਕਿ ਸਾਡੀ ਕੈਨੇਡਾ ਵਿਚਲੀ ਟੀਮ ਨੇ ਆਪਣਾ ਕੰਮ ਕਰ ਦਿੱਤਾ ਹੈ, ਹੁਣ ਤੂੰ ਆਪਣਾ ਕੰਮ ਜਲਦੀ ਕਰ, ਮਤਲਬ ਪੰਨੂੰ ਨੂੰ ਖ਼ਤਮ ਕਰ।
-“ਰਾਅ” ਦਾ ਦਿੱਲੀ ਵਿਚਲਾ ਏਜੰਟ ਵਿਕਾਸ਼ ਯਾਦਵ ਨਿਖਿਲ ਗੁਪਤਾ ਦਾ ਹੈਂਡਲਰ ਸੀ ਤੇ ਅਮਰੀਕਾ ਉਸਨੂੰ “ਵਾਂਟਡ” ਕਰਾਰ ਦੇ ਕੇ ਉਸਦੀ ਹਵਾਲਗੀ ਚਾਹ ਰਿਹਾ।
-ਅਮਰੀਕੀ ਅਦਾਲਤ ਵਿੱਚ ਨਿਖਿਲ ਗੁਪਤਾ ਮੰਨ ਰਿਹਾ ਕਿ ਉਸਨੇ ਅਮਰੀਕੀ ਏਜੰਟ ਦੀ “ਰਾਅ” ਦੇ ਦਿੱਲੀ ਬੈਠੇ ਅਧਿਕਾਰੀਆਂ ਨਾਲ ਵੀਡੀਓ ਚੈਟ ਕਰਵਾਈ ਸੀ, ਜਿਸਦੇ ਸਬੂਤ ਅਦਾਲਤ ਵਿੱਚ ਪੇਸ਼ ਕੀਤੇ ਗਏ ਸਨ।
-ਗੁਜਰਾਤ ਦੀ ਸਾਬਰਮਤੀ ਜੇਲ੍ਹ ਵਿੱਚ ਸੁਰੱਖਿਅਤ ਰੱਖੇ ਲਾਰੈਂਸ ਬਿਸ਼ਨੋਈ ਦੀ ਜੇਲ੍ਹਾਂ ਵਿੱਚੋਂ ਦੋ ਵਾਰ ਇੰਟਰਵਿਊ ਹੁੰਦੀ, ਨਾ ਉਸਨੂੰ ਕੁਝ ਕਿਹਾ ਜਾਂਦਾ ਤੇ ਨਾ ਇੰਟਰਵਿਊ ਕਰਨ ਵਾਲੇ ਪੱਤਰਕਾਰ ਜਗਵਿੰਦਰ ਪਟਿਆਲ ਨੂੰ। ਪੰਜਾਬ ਦੀ ਅਦਾਲਤ ਨੋਟਿਸ ਵੀ ਲੈਂਦੀ ਪਰ ਕੇਸ ਸੁਣਨ ਵਾਲਾ ਜੱਜ ਹੀ ਬਦਲ ਦਿੱਤਾ ਜਾਂਦਾ।
-ਲਾਰੈਂਸ ਬਿਸ਼ਨੋਈ ਦੇ ਭਰਾ ਅਨਮੋਲ ਬਿਸ਼ਨੋਈ ਨੂੰ ਅਮਰੀਕਾ ਡਿਪੋਰਟ ਕਰਦਾ ਪਰ ਭਾਰਤੀ ਗ੍ਰਹਿ ਵਿਭਾਗ ਮਹਾਰਾਸ਼ਟਰ ਸਮੇਤ ਹੋਰ ਸੂਬਿਆਂ ਦੀਆਂ ਸਰਕਾਰਾਂ ਨੂੰ ਉਸਦਾ ਰਿਮਾਂਡ ਨਹੀਂ ਲੈਣ ਦਿੰਦਾ, ਜਿੱਥੇ ਕਿ ਉਸਤੋਂ ਬਾਬਾ ਸਿੱਦੀਕੀ ਅਤੇ ਸਿੱਧੂ ਮੂਸੇਵਾਲੇ ਦੇ ਵੱਡੇ ਕਤਲਾਂ ‘ਚ ਪੁੱਛਗਿੱਛ ਹੋਣੀ ਸੀ।
-ਪੰਜਾਬ ਪੁਲਿਸ ਦੇ ਅਧਿਕਾਰੀ ਗੁਰਿੰਦਰਜੀਤ ਸਿੰਘ ਨਾਗਰਾ ਖ਼ਿਲਾਫ਼ ਅਮਰੀਕਾ ਵਿੱਚ ਚਾਰਜਸ਼ੀਟ ਪੇਸ਼ ਕੀਤੀ ਗਈ ਹੈ ਕਿ ਉਹ ਅਮਰੀਕਨਾਂ ਤੋਂ ਫਿਰੌਤੀ ਮੰਗਣ ਦੀ ਕਾਰਵਾਈ ਵਿੱਚ ਸ਼ਾਮਲ ਸੀ।
ਏਨਾ ਕੁਝ ਹੋਣ ਦੇ ਬਾਵਜੂਦ ਵੀ ਸੰਘੀ ਆਈਟੀ ਸੈੱਲ ਅਤੇ ਕੈਨੇਡਾ-ਅਮਰੀਕਾ ਵਿਚਲੇ ਮੀਡੀਏ ਅੰਦਰ ਕੰਮ ਕਰਦੇ ਝੋਲੀਚੁੱਕ ਪੁੱਛ ਰਹੇ ਹਨ ਕਿ ਸਬੂਤ ਦਿਓ ਭਾਰਤ ਦਾ ਹੱਥ ਸੀ। ਸ਼ਰੇਆਮ ਮੁੱਕਰ ਰਹੇ ਹਨ ਕਿ ਕੋਈ ਹੱਥ ਨਹੀਂ।
ਏਨੇ ਸਬੂਤ ਕਾਫ਼ੀ ਨਹੀਂ?
ਕਾਰਨੀ ਸਰਕਾਰ ਦੀ ਭਾਰਤ ਪੱਖੀ ਨੀਤੀ ਕਾਰਨ ਆਰਸੀਐਮਪੀ ਦੇ ਕੁਝ ਅਧਿਕਾਰੀ ਵੀ ਗੋਲਮੋਲ ਗੱਲਾਂ ਕਰ ਰਹੇ ਹਨ ਪਰ ਲਿਖਤੀ ਰਿਪੋਰਟਾਂ ਵਿੱਚ ਆਰਸੀਐਮਪੀ ਤੇ ਸੀਸਸ ਮੰਨ ਰਹੇ ਹਨ ਕਿ ਭਾਰਤ ਦਾ ਹੱਥ ਸੀ ਤੇ ਭਾਰਤ ਅੱਜ ਵੀ ਉਨ੍ਹਾਂ ਮੁਲਕਾਂ ਵਿੱਚ ਸ਼ਾਮਲ ਹੈ, ਜਿਨ੍ਹਾਂ ਦੇ ਟਰਾਂਸ ਨੈਸ਼ਨਲ ਰਿਪਰੈਸ਼ਨ ਤੋਂ ਕੈਨੇਡੀਅਨ ਲੋਕਾਂ ਨੂੰ ਖਤਰਾ ਹੈ।
ਲੋਕ ਭੁੱਲੇ ਨਹੀਂ ਕਿ 2023–2024 ਦੌਰਾਨ ਇਹੋ ਹੀ ਸੋਸ਼ਲ ਮੀਡੀਆ ਹੈਂਡਲ ਭਾਈ ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਦੀ ਖੁੱਲ੍ਹੇਆਮ ਜ਼ਿੰਮੇਵਾਰੀ ਲੈਂਦੇ ਹੋਏ “ਘੁੱਸ ਕੇ ਮਾਰਾਂਗੇ” ਵਰਗੇ ਨਾਅਰੇ ਲਾ ਰਹੇ ਸਨ।
ਇਹੋ ਹੀ ਹੈਂਡਲ ਜਸਟਿਨ ਟਰੂਡੋ ਨੂੰ ਖੁੱਲ੍ਹੇਆਮ ਗਾਲਾਂ ਕੱਢਦੇ ਸਨ, ਲਾਰੈਂਸ ਬਿਸ਼ਨੋਈ ਨੂੰ ਆਪਣਾ ਹੀਰੋ ਦੱਸਦੇ ਸਨ ਅਤੇ ਕੈਨੇਡਾ ਦੇ ਹਿੰਦੂ ਮੰਦਰਾਂ ਵਿੱਚ “ਬਿਸ਼ਨੋਈ ਜ਼ਿੰਦਾਬਾਦ” ਦੇ ਨਾਅਰੇ ਵੀ ਲਗਾਉਂਦੇ ਸਨ। ਹੁਣ ਜਦੋਂ ਅਮਰੀਕਾ ਬਿਸ਼ਨੋਈ ਗੈਂਗ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰ ਰਿਹਾ ਹੈ, ਤਾਂ ਇਹੀ ਲੋਕ ਬਿਸ਼ਨੋਈ ਤੋਂ ਪੱਲਾ ਝਾੜ ਰਹੇ ਹਨ ਅਤੇ ਇਹ ਦਿਖਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਉਨ੍ਹਾਂ ਦਾ ਉਸ ਨਾਲ ਕਦੇ ਕੋਈ ਸਬੰਧ ਹੀ ਨਹੀਂ ਸੀ, ਬਿਸ਼ਨੋਈ ਹੁਣ ਖਾਲਿਸਤਾਨੀ ਬਣਾ ਦਿੱਤਾ।
ਇਨ੍ਹਾਂ ਸੰਘੀਆਂ ਨੂੰ ਝੂਠ ਬੋਲਦਿਆਂ ਸ਼ਰਮ ਇਸ ਲਈ ਨਹੀਂ ਆ ਰਹੀ ਕਿਉਂਕਿ ਹਜ਼ਾਰਾਂ ਸਾਲਾਂ ਤੋਂ ਇਹ ਇਸੇ ਨੀਤੀ ਤਹਿਤ ਚੱਲੇ ਹਨ ਤੇ ਝੂਠ ਨੂੰ ਵਾਰ-ਵਾਰ ਬੋਲ ਕੇ ਸੱਚ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਰਹਿੰਦੇ ਹਨ। ਇਹ ਅਕਸਰ ਇਸ ਵਿੱਚ ਸਫ਼ਲ ਵੀ ਹੋ ਜਾਂਦੇ ਹਨ ਕਿਉਂਕਿ ਬੁਨਿਆਦ ਹੀ ਝੂਠ ‘ਤੇ ਟਿਕੀ ਹੋਈ ਹੈ ਤੇ ਇਹ ਨੀਤੀ ਹਜ਼ਾਰਾਂ ਸਾਲਾਂ ਤੋਂ ਵਾਰ ਵਾਰ ਸਫਲ ਹੁੰਦੀ ਚੱਲੀ ਆ ਰਹੀ ਹੈ।
ਇਨ੍ਹਾਂ ਦੇ ਪੁਰਾਤਨ ਸਾਹਿਤ ਵਿੱਚ ਬਕਾਇਦਾ ਅਜਿਹਾ ਕਰਨ ਦੇ ਤਰੀਕੇ ਉਦਾਹਰਨਾਂ ਦੇ ਕੇ ਸਮਝਾਏ ਹੋਏ ਹਨ, ਜਿਸਦੀ ਇੱਕ ਵੰਨਗੀ ਪਹਿਲੇ ਕੁਮੈਂਟ ਵਿੱਚ ਦੇਖ ਸਕਦੇ ਹੋ।
-ਗੁਰਪ੍ਰੀਤ ਸਿੰਘ ਸਹੋਤਾ | ਸਰੀ | ਚੜ੍ਹਦੀ ਕਲਾ
-ਸਰਹੱਦ ਤੋਂ ਇੰਝ ਲੰਘਦੇ ਰਹੇ ਜੱਗੂ ਤੇ ਬਿਸ਼ਨੋਈ ਦੇ ਡਰੱਗ ਵਾਲੇ ਟਰੱਕ
-ਭਾਰਤੀ ਏਜੰਸੀਆਂ ਨੂੰ ਗੈਂਗਸਟਰਾਂ ਦੇ ਭੇਤ ਅਮਰੀਕਾ ਕੋਲ ਸੌਂਪਣੇ ਹੀ ਪਏ
-ਨਿੱਝਰ ਕਤਲ ਮਾਮਲੇ ‘ਚ ਭਾਰਤੀ ਹੱਥ ਦੇ ਅਨੇਕ ਸਬੂਤ ਮੌਜੂਦ
-ਬਰੈਂਪਟਨ ਦੇ ਪੰਜਾਬੀ ਤਸਕਰ ਨੂੰ ਅਮਰੀਕਾ ‘ਚ ਹੋਈ 20 ਸਾਲ ਦੀ ਜੇਲ੍ਹ
-ਸਜ਼ਾ ਦੀ ਤਾਰੀਕ ਤੋਂ ਪਹਿਲਾਂ ਹੀ ਪੰਜਾਬੀ ਤਸਕਰ ਲਾਪਤਾ ਹੋਇਆ
-ਕੈਲਗਰੀ ਦਾ ਪੰਜਾਬੀ ਜੇਲ੍ਹ ਅਧਿਕਾਰੀ ਪੁਲਿਸ ਵਲੋਂ ਚਾਰਜ
-ਖਾਲੜਾ ਕਤਲ ਕਾਂਡ ਵਿੱਚ ਦੋਸ਼ੀ ਡੀਐਸਪੀ ਜੇਲ੍ਹ ਜਾਂ ਬਾਹਰ ਨਹੀਂ ਲੱਭਿਆ
-ਫਿਰੌਤੀਆਂ ਸਬੰਧੀ ਕਈ ਹੋਰ ਅਪਰਾਧੀ ਤੇ ਸਫੈਦਪੋਸ਼ ਚੁੱਕੇ ਜਾਣ ਦੀ ਆਸ
-ਇਮੀਗ੍ਰੇਸ਼ਨ ਠੱਗੀ ਮਾਮਲੇ ਵਿੱਚ ਦੋ ਭਾਰਤੀ ਨਾਗਰਿਕ ਚਾਰਜ ਕੀਤੇ
-ਸਰੀ ‘ਚ ਨਕਲੀ ਸਮਾਨ ਵੇਚਣ ਦੇ ਦੋਸ਼ ਹੇਠ ਇੱਕ ਗ੍ਰਿਫਤਾਰ
-ਕਿਊਬੈੱਕ ‘ਚ ਦੋ ਪੰਜਾਬੀ ਨੌਜਵਾਨਾਂ ਦੀ ਡੁੱਬ ਕੇ ਮੌਤ
-ਟਰੰਪ ਵਲੋਂ ਇਰਾਨ ‘ਤੇ ਮੁੜ ਚੜ੍ਹਾਈ ਦਾ ਐਲਾਨ
-ਹਰੀਕੇ ਪੱਤਣ ‘ਤੇ ਹੋਵੇਗੀ ਲਾਵਾਰਿਸ ਲਾਸ਼ਾਂ ਵਾਸਤੇ ਅਰਦਾਸ