Punjab Spectrum
Related Articles
Sunanda Sharma – ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਨੂੰ ਛੂਹਣ ਲਈ ਸਟੇਜ ’ਤੇ ਚੜ੍ਹਿਆ ਨੌਜਵਾਨ
ਗਾਇਕਾ ਨੇ ਅੱਧ ਵਿਚਾਲੇ ਛੱਡਿਆ ਲਾਈਵ ਸ਼ੋਅ, ਪੁਲਿਸ ਨੇ ਨੌਜਵਾਨ ਨੂੰ ਹਿਰਾਸਤ ’ਚ ਲਿਆ
“ਮੈਂ ਪੈਰੀਂ ਹੱਥ ਲਾਉਣ ਆਇਆ ਸੀ” Sunanda Sharma ਦੀ ਸਟੇਜ ‘ਤੇ ਆਉਣ ਵਾਲੇ ਮੁੰਡੇ ਨੇ ਕੰਨ ਫੜ੍ਹਕੇ ਮੰਗੀ Sorry
“ਮੈਂ ਡਰ ਗਈ ਸੀ , ਜਦੋਂ ਮੁੰਡਾ ਆਇਆ !” ਮੁੰਡੇ ਨੂੰ ਮੁਆਫ ਕਰ ਦਿਓ ਹੁਣ ! – Sunanda Sharma
Sunanda Sharma ਦੇ ਚੱਲਦੇ Show ‘ਚ ਸਟੇਜ ‘ਤੇ ਇਕ ਦਮ ਚੜ੍ਹ ਕੇ ਮੁੰਡੇ ਨੇ ਦੇਖੋ ਕੀਤੀ ਕਿਹੜੀ ਹਰਕਤ ? ਪੁਲਿਸ ਨੇ ਨਾਲ ਦੀ ਨਾਲ ਲਿਆ Action
ਪੰਜਾਬੀ ਗਾਇਕ ਸੁਨੰਦਾ ਸ਼ਰਮਾ ਨੇ ਗਾਜ਼ੀਆਬਾਦ ’ਚ ਇਕ ਲਾਈਵ ਸ਼ੋਅ ਨੂੰ ਅੱਧ ਵਿਚਾਲੇ ਹੀ ਰੱਦ ਕਰ ਦਿੱਤਾ ਅਤੇ ਪਰਫਾਰਮੈਂਸ ਛੱਡ ਕੇ ਚਲੀ ਗਈਆਂ। 3 ਅਪ੍ਰੈਲ ਦੀ ਰਾਤ ਆਰ.ਕੇ.ਜੀ.ਆਈ.ਟੀ. ਕਾਲਜ ਵਿੱਚ ਚੱਲ ਰਹੇ ਸ਼ੋਅ ਦੌਰਾਨ ਅਚਾਨਕ ਇੱਕ ਨੌਜਵਾਨ ਸਟੇਜ ਉੱਤੇ ਚੜ੍ਹ ਗਿਆ ਅਤੇ ਉਹ ਗਾਇਕਾ ਨੂੰ ਛੂਹਣ ਦੀ ਕੋਸ਼ਿਸ਼ ਕਰਨ ਲੱਗਾ ਅਤੇ ਉਨ੍ਹਾਂ ਦੇ ਪੈਰਾਂ ਵਿੱਚ ਡਿਗ ਪਿਆ।
ਇਸ ਘਟਨਾ ਤੋਂ ਸੁਨੰਦਾ ਸ਼ਰਮਾ ਘਬਰਾ ਗਈ । ਜਿਵੇਂ ਹੀ ਨੌਜਵਾਨ ਨੇ ਉਨ੍ਹਾਂ ਨੂੰ ਛੂਹਿਆ ਉਹ ਜ਼ੋਰ ਨਾਲ ਚੀਕੀ ਅਤੇ ਭੱਜ ਕੇ ਸਟੇਜ ਦੇ ਪਿੱਛੇ ਚਲੀ ਗਈ । ਮਾਈਕ ਆਨ ਹੋਣ ਕਰਕੇ ਉਨ੍ਹਾਂ ਦੀ ਚੀਕਾਂ ਸਾਫ਼ ਸੁਣਾਈ ਦਿੱਤੀਆਂ, ਜਿਸ ਨਾਲ ਮਾਹੌਲ ਅਫ਼ਰਾ-ਤਫ਼ਰੀ ਵਿੱਚ ਬਦਲ ਗਿਆ। ਨੌਜਵਾਨ ਲਗਭਗ 2 ਮਿੰਟ ਤੱਕ ਸਟੇਜ ਉੱਤੇ ਰਿਹਾ ਅਤੇ ਸ਼ਾਹਰੁਖ ਖਾਨ ਦੇ ਸਿਗਨੇਚਰ ਸਟਾਈਲ ਵਿੱਚ ਬਾਹਾਂ ਫੈਲਾਅ ਕੇ ਸਟੂਡੈਂਟਸ ਵੱਲ ਦੇਖਣ ਲੱਗਾ।
ਆਵਾਜ਼ ਸੁਣਦਿਆਂ ਹੀ ਪੁਲਿਸ ਤੁਰੰਤ ਸਟੇਜ ਉੱਤੇ ਪਹੁੰਚ ਗਈ ਅਤੇ ਨੌਜਵਾਨ ਨੂੰ ਉੱਥੋਂ ਹਟਾਇਆ। ਬਾਊਂਸਰਾਂ ਨੇ ਵੀ ਉਸ ਨੂੰ ਫੜ ਕੇ ਸਟੇਜ ਤੋਂ ਹੇਠਾਂ ਉਤਾਰਿਆ ਅਤੇ ਬਾਅਦ ਵਿੱਚ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਫਿਲਹਾਲ ਗਾਜ਼ੀਆਬਾਦ ਪੁਲਿਸ ਨੇ ਮੁਲਜ਼ਮ ਨੌਜਵਾਨ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਨੌਜਵਾਨ ਉਸੇ ਕਾਲਜ ਦਾ ਵਿਦਿਆਰਥੀ ਹੈ।
ਇਸ ਘਟਨਾ ਤੋਂ ਬਾਅਦ ਸੁਨੰਦਾ ਇੰਨੀ ਡਰ ਗਈ ਕਿ ਉਹ ਦੁਬਾਰਾ ਸਟੇਜ ਉੱਤੇ ਵਾਪਸ ਨਾ ਆਈ । ਹੇਠਾਂ ਮੌਜੂਦ ਲੋਕ ਉਨ੍ਹਾਂ ਨੂੰ ਵਾਪਸ ਬੁਲਾਉਂਦੇ ਰਹੇ, ਪਰ ਉਨ੍ਹਾਂ ਦੀ ਟੀਮ ਨੇ ਸ਼ੋਅ ਨੂੰ ਵਿਚਕਾਰ ਹੀ ਰੱਦ ਕਰਨ ਦਾ ਫੈਸਲਾ ਲੈ ਲਿਆ। ਸ਼ੋਅ ਰੱਦ ਹੋਣ ਦੇ ਐਲਾਨ ਤੋਂ ਬਾਅਦ ਵਿਦਿਆਰਥੀ ਨਿਰਾਸ਼ ਹੋ ਕੇ ਵਾਪਸ ਪਰਤ ਗਏ।
ਸੁਨੰਦਾ ਨੇ ਜਦੋਂ ਸਟੇਜ ਉੱਤੇ ਆ ਕੇ 2 ਤੋਂ 3 ਗੀਤ ਗਾ ਕੇ ਮਾਹੌਲ ਬਣਾਇਆ ਤਾਂ ਇਸੇ ਦੌਰਾਨ ਸਟੇਜ ਦੇ ਹੇਠਾਂ ਤੋਂ ਲੜਕੇ ਵੀਡੀਓ ਬਣਾਉਣ ਲੱਗੇ ਅਤੇ ਸੈਲਫੀਆਂ ਲੈਣ ਲੱਗੇ । ਸੁਨੰਦਾ ਦਾ ਧਿਆਨ ਗੀਤ ਗਾਉਂਦਿਆਂ ਨਾਲ-ਨਾਲ ਦਰਸ਼ਕਾਂ ਨੂੰ ਗੁਣਗੁਣਾਉਣ ਉੱਤੇ ਸੀ । ਇਸ ਵਿਚਕਾਰ ਇੱਕ ਨੌਜਵਾਨ ਸੁਰੱਖਿਆ ਦੀ ਨਜ਼ਰ ਤੋਂ ਬਚਦਾ ਹੋਇਆ ਸਟੇਜ ਉੱਤੇ ਪਹੁੰਚ ਗਿਆ।
ਸਟੇਜ ਉੱਤੇ ਆਉਂਦਿਆਂ ਹੀ ਨੌਜਵਾਨ ਤੇਜ਼ੀ ਨਾਲ ਸੁਨੰਦਾ ਵੱਲ ਵਧਿਆ ਅਤੇ ਉਨ੍ਹਾਂ ਦੇ ਨੇੜੇ ਪਹੁੰਚ ਗਿਆ। ਨੌਜਵਾਨ ਨੇ ਸੁਨੰਦਾ ਨੂੰ ਛੂਹਣ ਦੀ ਕੋਸ਼ਿਸ਼ ਕੀਤੀ। ਉਹ ਉਨ੍ਹਾਂ ਦੇ ਪੈਰਾਂ ਵੱਲ ਤੇਜ਼ੀ ਨਾਲ ਡਿਗਿਆ, ਜਿਸ ਨਾਲ ਸੁਨੰਦਾ ਡਰ ਗਈ ਅਤੇ ਡਰ ਕੇ ਉਸ ਦੀ ਚੀਕ ਨਿਕਲ ਗਈ। ਸੁਨੰਦਾ ਦੀ ਚੀਕ ਸੁਣਦਿਆਂ ਹੀ ਸੁਰੱਖਿਆ ਅਲਰਟ ਹੋ ਗਈ ਅਤੇ ਘੇਰਾ ਬਣਾ ਕੇ ਗਾਇਕਾ ਨੂੰ ਲੈ ਗਈ।
ਸ਼ੋਅ ਸ਼ੁਰੂ ਹੋਣ ਤੋਂ ਪਹਿਲਾਂ ਸੁਨੰਦਾ ਕਾਫੀ ਐਕਸਾਈਟਡ ਨਜ਼ਰ ਆਈ । ਉਨ੍ਹਾਂ ਨੇ ਖੁਦ ਵੀਡੀਓ ਸ਼ੇਅਰ ਕਰ ਕਿਹਾ ਸੀ ਕਿ ਮੈਂ ਅੱਜ ਗਾਜ਼ੀਆਬਾਦ ਵਿੱਚ ਸ਼ੋਅ ਹੈ । ਇਸ ਤੋਂ ਬਾਅਦ ਉਹ ਸਟੇਜ ਉੱਤੇ ਆਉਣ ਤੋਂ ਬਾਅਦ ਆਖਣ ਲੱਗੀ ਕਿ ਅੱਜ ਮੈਂ ਗਾਜ਼ੀਆਬਾਦ ਵਿੱਚ ਆਈ ਹਾਂ ਅਤੇ ਇਸ ਤਰ੍ਹਾਂ ਕਿਵੇਂ ਹੋ ਸਕਦਾ ਹੈ ਕਿ ਗਾਜ਼ੀਆਬਾਦ ਵਾਲੇ ਮੇਰੇ ਨਾਲ ਨਾ ਗੁਣਗੁਣਾਉਣ। ਸੁਨੰਦਾ ਨੇ ਕਿਹਾ ਕਿ ਅੱਜ ਦਾ ਸ਼ੋਅ ਨੈਕਸਟ ਲੈਵਲ ਦਾ ਹੋਣ ਵਾਲਾ ਹੈ।