Punjab Spectrum
Related Articles
Canada -ਕੈਨੇਡਾ ‘ਚ ਪੰਜਾਬੀ ਨੌਜਵਾਨ ਦੀ ਜਾਨ ਲੈਣ ਵਾਲਾ ਕਥਿਤ ਦੋਸ਼ੀ ਗ੍ਰਿਫਤਾਰ
ਬੀਤੀ 14 ਮਾਰਚ ਨੂੰ ਐਡਮਿੰਟਨ (ਅਲਬਰਟਾ) ਲਾਗੇ ਲਿਡੂਕ ਸ਼ਹਿਰ ‘ਚ ਹਾਈਵੇਅ ‘ਤੇ ਗੋਲੀ ਮਾਰ ਕੇ ਹਲਾਕ ਕੀਤੇ ਗਏ ਅਣਭੋਲ ਨੌਜਵਾਨ ਬੀਰਿੰਦਰ ਸਿੰਘ (22) ਦੇ ਮਾਮਲੇ ‘ਚ ਅਲਬਰਟਾ ਦੇ ਲੌਇਡਮਿੰਸਟਰ ਸ਼ਹਿਰ ਦਾ ਰਹਿਣ ਵਾਲਾ ਜਿੰਮੀ ਗੈਸਨਰ (18) ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਜਿੰਮੀ ਗੈਸਨਰ ਉੱਤੇ ਗੋਲੀ ਮਾਰ ਕੇ ਹੱਤਿਆ ਕਰਨ ਦੇ ਮਾਮਲੇ ਵਿੱਚ ਦੂਜੇ ਦਰਜੇ ਦੇ ਕਤਲ (Second-degree murder) ਦਾ ਦੋਸ਼ ਲਗਾਇਆ ਗਿਆ ਹੈ।
ਬੀਰਿੰਦਰ ਸਿੰਘ ਅਕਤੂਬਰ ਵਿੱਚ ਐਡਮੰਟਨ ਪਹੁੰਚਿਆ ਸੀ, ਜਿੱਥੇ ਉਹ ਓਂਟਾਰੀਓ ਦੇ ਕਨੇਸਟੋਗਾ ਕਾਲਜ ਵਿੱਚ ਪੜ੍ਹਾਈ ਕਰਨ ਤੋਂ ਬਾਅਦ ਆਇਆ ਸੀ ਅਤੇ ਹੁਣ ਕੰਸਟਰਕਸ਼ਨ ਦਾ ਕੰਮ ਕਰ ਰਿਹਾ ਸੀ।
ਘਟਨਾ ਤੋਂ ਕੁਝ ਦਿਨ ਪਹਿਲਾਂ ਹੀ ਉਸਨੂੰ ਵਰਕ ਪਰਮਿਟ ਮਿਲਿਆ ਸੀ ਅਤੇ ਉਸਨੇ 12 ਮਾਰਚ ਨੂੰ ਆਪਣਾ 22ਵਾਂ ਜਨਮ ਦਿਨ ਮਨਾਇਆ ਸੀ। ਉਸਦੇ ਜਾਣਕਾਰ ਉਸਨੂੰ ਆਪਣੇ ਪਰਿਵਾਰ ਦਾ ਇਕਲੌਤਾ ਪੁੱਤਰ ਦੱਸਦੇ ਹਨ।
ਇਸ ਗੋਲੀਬਾਰੀ ਵਿੱਚ ਬਚਿਆ ਵਿਅਕਤੀ ਗੁਰਭੇਜ ਸਿੰਘ, ਜੋ ਉਸ ਸਮੇਂ ਕਾਰ ਵਿੱਚ ਮੌਜੂਦ ਸੀ, ਨੇ ਦੱਸਿਆ ਕਿ ਹਮਲਾ ਕੁਝ ਹੀ ਪਲਾਂ ਵਿੱਚ ਅਤੇ ਬਿਨਾਂ ਕਿਸੇ ਭੜਕਾਹਟ ਦੇ ਵਾਪਰ ਗਿਆ।
ਗੁਰਭੇਜ ਸਿੰਘ ਮੁਤਾਬਕ, ਉਹ ਲਗਭਗ ਦੁਪਹਿਰ ਨੂੰ ਹਾਈਵੇ 2 ‘ਤੇ ਆਪਣੀ ਕਾਰ ਵਿੱਚ ਜਾ ਰਹੇ ਸਨ, ਜਦੋਂ ਦੋ ਗੋਰੇ ਆਦਮੀ, ਜੋ ਲਗਭਗ 24 ਤੋਂ 25 ਸਾਲ ਦੇ ਲੱਗਦੇ ਸਨ, ਇੱਕ ਪਿਕਅੱਪ ਟਰੱਕ ਵਿੱਚ ਉਨ੍ਹਾਂ ਦੇ ਨੇੜੇ ਆਏ।
ਉਸ ਨੇ ਦੱਸਿਆ, “ਉਨ੍ਹਾਂ ਦੋ ਗੋਰੇ ਆਦਮੀਆਂ ਨੇ ਸਾਨੂੰ ਹੱਥ ਹਿਲਾਇਆ, ਅਸੀਂ ਵੀ ਉਨ੍ਹਾਂ ਨੂੰ ਮੋੜਵਾਂ ਹੱਥ ਹਿਲਾਇਆ। ਕੁਝ ਪਲਾਂ ਬਾਅਦ ਉਹ ਟਰੱਕ ਉਨ੍ਹਾਂ ਦੇ ਪਿੱਛੇ ਆ ਗਿਆ ਅਤੇ ਗੋਲੀਆਂ ਚਲਾਉਣ ਲੱਗ ਪਿਆ ਤੇ ਫਿਰ ਮੌਕੇ ਤੋਂ ਭੱਜ ਗਿਆ।”
ਗੁਰਭੇਜ ਸਿੰਘ ਨੇ ਜ਼ੋਰ ਦੇ ਕੇ ਕਿਹਾ ਕਿ ਦੋਵਾਂ ਧਿਰਾਂ ਵਿਚਕਾਰ ਕੋਈ ਵੀ ਐਸੀ ਘਟਨਾ ਜਾਂ ਟਕਰਾਅ ਨਹੀਂ ਹੋਇਆ, ਜੋ ਅਜਿਹੇ ਹਮਲੇ ਦਾ ਕਾਰਨ ਬਣ ਸਕੇ।
ਉਸ ਨੇ ਇਹ ਵੀ ਕਿਹਾ, “ਕੁਝ ਵੀ ਨਹੀਂ ਸੀ — ਨਾ ਕੋਈ ਰੋਡ ਰੇਜ, ਕੁਝ ਵੀ ਨਹੀਂ। ਇਹ ਦਾਅਵਾ ਕਿ ਗੋਲੀਬਾਰੀ ਕਿਸੇ ਤਰ੍ਹਾਂ ਦੀ ਤਲਖ਼ੀ ਜਾਂ ਭੜਕਾਹਟ ਤੋਂ ਬਾਅਦ ਚੱਲੀ ਸੀ, ਗਲਤ ਹੈ।”
RCMP ਨੂੰ ਇਹ ਵੀ ਜਾਂਚ ਕਰਨੀ ਚਾਹੀਦੀ ਹੈ ਕਿ ਕੀ ਇਹ ਘਟਨਾ ਨਫ਼ਰਤ-ਪ੍ਰੇਰਿਤ ਜੁਰਮ (hate-motivated crime) ਨਾਲ ਸੰਬੰਧਿਤ ਸੀ ਜਾਂ ਨਹੀਂ।
-ਗੁਰਪ੍ਰੀਤ ਸਿੰਘ ਸਹੋਤਾ | ਸਰੀ | ਚੜ੍ਹਦੀ ਕਲਾ
-ਕੈਨੇਡਾ ‘ਚ ਪੰਜਾਬੀ ਨੌਜਵਾਨ ਦੀ ਜਾਨ ਲੈਣ ਵਾਲਾ ਕਥਿਤ ਦੋਸ਼ੀ ਗ੍ਰਿਫਤਾਰ
-ਐਬਸਫੋਰਡ ‘ਚ ਇੱਕ ਵਿਅਕਤੀ ਦੇ ਮਿੱਥ ਕੇ ਗੋਲੀਆਂ ਮਾਰੀਆਂ
-ਟਰੰਪ ਵਲੋਂ ਇਰਾਨ ਦੇ ਹਾਕਮ ਬਦਲਣ ਤੇ ਜੰਗ ਜਿੱਤਣ ਦਾ ਇਕਤਰਫਾ ਐਲਾਨ
-ਭਾਰਤੀ ਮੂਲ ਦਾ ਅਮਰੀਕਨ ਜੱਜ ਮਨੀ-ਲਾਂਡਰਿੰਗ ਦਾ ਦੋਸ਼ੀ ਕਰਾਰ
-ਧਰਮ ਬਦਲਣ ਨਾਲ ਦਲਿਤਾਂ ਨੂੰ ਮਿਲਦੀਆਂ ਰਿਆਇਤਾਂ ਖੁੱਸ ਜਾਣਗੀਆਂ
-ਲਾਲਜੀਤ ਭੁੱਲਰ ਨੂੰ ਪੰਜ ਦਿਨਾਂ ਲਈ ਪੁਲਿਸ ਹਿਰਾਸਤ ‘ਚ ਭੇਜਿਆ
