Punjab Spectrum
Related Articles
Sahil Dhaneshra
‘ਮੈ ਨਹੀਂ ਚਾਹੁੰਦੀ ਸੀ ਕਿ ਉਹ ਇਸ ਦੇਸ਼ ’ਚ ਰਹੇ…’ ਦਵਾਰਕਾ ਹਾਦਸੇ ’ਚ ਪੁੱਤ ਦੀ ਮੌਤ ‘ਤੇ ਮਾਂ ਦੀਆਂ ਚੀਕਾਂ ਨੇ ਸਿਸਟਮ ’ਤੇ ਖੜ੍ਹੇ ਕੀਤੇ ਸਵਾਲ
ਦਿੱਲੀ ਦੇ ਦਵਾਰਕਾ ਐਲਬੀਐਸ ਕਾਲਜ ਨਜ਼ਦੀਕ ਸੜਕ ਹਾਦਸੇ ਵਿੱਚ ਨੌਜਵਾਨ ਦੀ ਮੌਤ, ਮੁਲਜ਼ਮ ਨੂੰ ਮਿਲੀ ਜ਼ਮਾਨਤ
ਮੇਰਾ ਪੁੱਤ ਸੜਕ ਹਾਦਸੇ ਦੌਰਾਨ ਮਦਦ ਲਈ ਤੜਫਦਾ ਰਿਹਾ: ਮ੍ਰਿਤਕ ਦੀ ਮਾਂ
ਦਿੱਲੀ: ਦਿੱਲੀ ਦੇ ਦਵਾਰਕਾ ਦੱਖਣੀ ਪੁਲਿਸ ਸਟੇਸ਼ਨ ਖੇਤਰ ‘ਚ ਐਲਬੀਐਸ ਕਾਲਜ ਨਜ਼ਦੀਕ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਇਸ ਹਾਦਸੇ ‘ਚ 23 ਸਾਲਾ ਸਾਹਿਲ ਧਨੇਸ਼ਰਾ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਸ ਹਾਦਸੇ ‘ਚ ਇਕ ਟੈਕਸੀ, ਇੱਕ ਕਾਰ ਅਤੇ ਇੱਕ ਮੋਟਰਸਾਈਕਲ ਸ਼ਾਮਲ ਸੀ। ਜ਼ਖਮੀ ਟੈਕਸੀ ਡਰਾਈਵਰ ਅਜੀਤ ਸਿੰਘ ਨੂੰ ਇਲਾਜ ਲਈ ਆਈ.ਜੀ.ਆਈ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ।
ਪੁਲਿਸ ਦੇ ਅਨੁਸਾਰ ਕਾਰ ਚਲਾ ਰਿਹਾ ਨਾਬਾਲਗ 17 ਸਾਲਾ ਅਕਸ਼ਿਤ ਸਿੰਘ ਬਿਨਾਂ ਡਰਾਈਵਿੰਗ ਲਾਇਸੈਂਸ ਦੇ ਸੀ। ਨਾਬਾਲਗ ਨੂੰ ਕਿਸ਼ੋਰ ਨਿਆਂ ਬੋਰਡ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ ਅਤੇ ਇਕ ਆਬਰਜ਼ਰੇਵਸ਼ਨ ਘਰ ਭੇਜ ਦਿੱਤਾ ਗਿਆ। ਉਸਦੀ 10ਵੀਂ ਬੋਰਡ ਪ੍ਰੀਖਿਆ ਦੇ ਆਧਾਰ ‘ਤੇ ਉਸਨੂੰ ਜ਼ਮਾਨਤ ਦੇ ਦਿੱਤੀ ਗਈ।ਪੁਲਿਸ ਨੇ ਸਾਰੇ ਵਾਹਨ ਜ਼ਬਤ ਕਰ ਲਏ ਹਨ ਅਤੇ ਸੀ.ਸੀ.ਟੀ.ਵੀ ਫੁਟੇਜ ਇਕਠੀ ਕਰਕੇ ਅੱਗੇ ਦੀ ਜਾਂਚ ਸ਼ੁਰੂ ਜਾਰੀ ਕਰ ਦਿੱਤੀ।
Mother of Dwarka Crash Victim News : ਦੱਖਣ-ਪੱਛਮੀ ਦਿੱਲੀ ਦੇ ਦਵਾਰਕਾ ਵਿੱਚ ਇੱਕ ਦਰਦਨਾਕ ਸੜਕ ਹਾਦਸੇ ਨੇ ਇੱਕ ਮਾਂ ਦੀ ਪੂਰੀ ਦੁਨੀਆ ਨੂੰ ਹਿਲਾ ਕੇ ਰੱਖ ਦਿੱਤਾ। 23 ਸਾਲਾ ਸਾਹਿਲ ਧਨੇਸ਼ਰਾ ਦੀ ਮੌਤ ਤੋਂ ਬਾਅਦ, ਉਸਦੀ ਇਕੱਲੀ ਮਾਂ ਇੰਨਾ ਮਾਕਨ, ਹੁਣ ਸਿਸਟਮ ‘ਤੇ ਸਵਾਲ ਉਠਾ ਰਹੀ ਹੈ।
ਦੱਸ ਦਈਏ ਕਿ ਆਪਣੇ ਪੁੱਤਰ ਦੀ ਮੌਤ ਤੋਂ ਬਾਅਦ ਮਾਂ ਨੇ ਹੰਝੂਆਂ ਭਰੇ ਲਹਿਜ਼ੇ ਵਿੱਚ ਕਿਹਾ ਕਿ ਮੈਂ ਹਮੇਸ਼ਾ ਚਾਹੁੰਦੀ ਸੀ ਕਿ ਮੇਰਾ ਪੁੱਤਰ ਇਸ ਦੇਸ਼ ਵਿੱਚ ਨਾ ਰਹੇ। ਇੱਥੋਂ ਦੇ ਹਾਲਾਤ ਦੇਖ ਕੇ, ਮੈਂ ਉਸਨੂੰ ਬਾਹਰ ਜਾਣ ਲਈ ਕਹਿੰਦੀ ਸੀ, ਪਰ ਹੁਣ ਮੇਰਾ ਬੱਚਾ ਨਹੀਂ ਹੈ।
ਇੰਨਾ ਮਾਕਨ ਨੇ ਕਿਹਾ ਕਿ ਉਸਨੂੰ 3 ਫਰਵਰੀ ਨੂੰ ਸਵੇਰੇ 1:19 ਵਜੇ ਦੇ ਕਰੀਬ ਪੁਲਿਸ ਦਾ ਫੋਨ ਆਇਆ। ਉਨ੍ਹਾਂ ਨੇ ਉਸਨੂੰ ਦੱਸਿਆ ਕਿ ਇੱਕ ਸਪੋਰਟਸ ਬਾਈਕ (R-15) ਦਾ ਹਾਦਸਾ ਹੋ ਗਿਆ ਹੈ ਅਤੇ ਨੌਜਵਾਨ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਹੈ। ਜਦੋਂ ਉਹ ਮੌਕੇ ‘ਤੇ ਪਹੁੰਚੀ, ਤਾਂ ਉਸਦਾ ਪੁੱਤਰ ਸੜਕ ‘ਤੇ ਬਹੁਤ ਬੁਰੀ ਹਾਲਤ ਵਿੱਚ ਪਿਆ ਸੀ। ਉਸਦੀ ਬਾਈਕ ਦੇ ਟੁਕੜੇ-ਟੁਕੜੇ ਹੋ ਗਏ ਸਨ, ਉਸਦੀ ਜੈਕਟ ਫਟ ਗਈ ਸੀ। ਮੈਂ 10 ਮਿੰਟ ਤੱਕ ਚੀਕਾਂ ਮਾਰਦੀ ਰਹੀ, ਨੇੜੇ ਹੀ ਇੱਕ ਐਂਬੂਲੈਂਸ ਉਡੀਕ ਕਰ ਰਹੀ ਸੀ, ਪਰ ਮੇਰਾ ਬੱਚਾ ਸੜਕ ‘ਤੇ ਹੀ ਪਿਆ ਰਿਹਾ।” ਉਹ ਰੋਣ ਲੱਗ ਪਈ।
ਪੀੜਤ ਮਾਂ ਨੇ ਲਗਾਇਆ ਇਲਜ਼ਾਮ
ਮਾਂ ਦਾ ਇਲਜ਼ਾਮ ਹੈ ਕਿ ਹਸਪਤਾਲ ਪਹੁੰਚਣ ਤੋਂ ਬਾਅਦ ਵੀ ਉਸਨੂੰ ਆਪਣੇ ਪੁੱਤਰ ਨੂੰ ਨਿੱਜੀ ਹਸਪਤਾਲ ਲਿਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਉਹ ਹਸਪਤਾਲ ਵਿੱਚ ਚਾਰ ਘੰਟੇ ਚੀਕਾਂ ਮਾਰਦੀ ਰਹੀ ਅਤੇ ਬੇਨਤੀ ਕਰਦੀ ਰਹੀ, ਆਪਣੇ ਬੱਚੇ ਲਈ ਇੱਕ ਆਖਰੀ ਕੋਸ਼ਿਸ਼ ਕਰਨ ਦੀ ਕੋਸ਼ਿਸ਼ ਕਰਦੀ ਰਹੀ, ਪਰ ਕਿਸੇ ਨੇ ਨਹੀਂ ਸੁਣੀ। ਉਸਦੇ ਪੁੱਤਰ ਦੀ ਲਾਸ਼ ਪੋਸਟਮਾਰਟਮ ਤੋਂ ਬਾਅਦ ਹੀ ਮਿਲੀ।
ਇੰਨਾ ਨੇ ਕਿਹਾ ਕਿ ਉਸਨੇ ਸਾਹਿਲ ਨੂੰ 23 ਸਾਲਾਂ ਤੱਕ ਇਕੱਲੇ ਹੀ ਪਾਲਿਆ ਸੀ, ਅਤੇ ਉਹ ਇੱਕ ਹੋਣਹਾਰ ਅਤੇ ਮਿਹਨਤੀ ਨੌਜਵਾਨ ਸੀ ਜਿਸਦਾ ਸੁਪਨਾ ਵਿਦੇਸ਼ ਵਿੱਚ ਕਰੀਅਰ ਬਣਾਉਣਾ ਸੀ।
ਤੇਜ਼ ਰਫ਼ਤਾਰ ਸਕਾਰਪੀਓ ਦਾ ਕਹਿਰ
ਪੁਲਿਸ ਦੇ ਅਨੁਸਾਰ, ਇਹ ਹਾਦਸਾ ਦਵਾਰਕਾ ਸੈਕਟਰ 11 ਵਿੱਚ ਵਾਪਰਿਆ, ਜਿੱਥੇ ਇੱਕ ਤੇਜ਼ ਰਫ਼ਤਾਰ ਸਕਾਰਪੀਓ ਐਸਯੂਵੀ ਨੇ ਪਹਿਲਾਂ ਇੱਕ ਟੈਕਸੀ ਨੂੰ ਟੱਕਰ ਮਾਰ ਦਿੱਤੀ ਅਤੇ ਫਿਰ ਸਾਹਿਲ ਨੂੰ ਕੁਚਲ ਦਿੱਤਾ, ਜੋ ਕਿ ਇੱਕ ਬਾਈਕ ਸਵਾਰ ਸੀ। ਹਾਦਸੇ ਵਿੱਚ ਸਾਹਿਲ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਟੈਕਸੀ ਡਰਾਈਵਰ, ਅਜੀਤ ਸਿੰਘ, ਜ਼ਖਮੀ ਹੋ ਗਿਆ।
ਜਾਂਚ ਤੋਂ ਪਤਾ ਲੱਗਾ ਕਿ 19 ਸਾਲਾ ਮੁਲਜ਼ਮ, ਅਕਸ਼ਤਰ ਸਿੰਘ, ਜੋ ਕਿ ਐਸਯੂਵੀ ਚਲਾ ਰਿਹਾ ਸੀ, ਕੋਲ ਵੈਧ ਡਰਾਈਵਿੰਗ ਲਾਇਸੈਂਸ ਨਹੀਂ ਸੀ। ਪੁਲਿਸ ਨੇ ਉਸਨੂੰ ਗ੍ਰਿਫਤਾਰ ਕਰ ਲਿਆ, ਪਰ ਬਾਅਦ ਵਿੱਚ ਉਸਨੂੰ ਬੋਰਡ ਪ੍ਰੀਖਿਆਵਾਂ ਲਈ ਹਾਜ਼ਰ ਹੋਣ ਲਈ ਅੰਤਰਿਮ ਜ਼ਮਾਨਤ ਮਿਲ ਗਈ।
ਐਸਯੂਵੀ ’ਤੇ ਪਹਿਲਾਂ ਹੀ ਕਈ ਚਾਲਾਨ
ਮਾਂ ਨੇ ਇਲਜ਼ਾਮ ਲਗਾਉਂਦੇ ਹੋਏ ਕਿਹਾ ਕਿ ਹਾਦਸੇ ਵਿੱਚ ਸ਼ਾਮਲ ਐਸਯੂਵੀ ’ਤੇ ਪਹਿਲਾਂ ਹੀ 13 ਤੇਜ਼ ਰਫ਼ਤਾਰ ਚਲਾਨ ਕੱਟੇ ਗਏ ਸਨ। ਉਹ ਕਹਿੰਦੀ ਹੈ ਕਿ ਉਸਦੇ ਪੁੱਤਰ ਦੀ ਲਾਪਰਵਾਹੀ ਅਤੇ ਪ੍ਰਭਾਵ ਕਾਰਨ ਜਾਨ ਚਲੀ ਗਈ।
ਉਸਨੇ ਕਿਹਾ ਕਿ ਕੀ ਕਿਸੇ ਦੀ ਜਾਨ ਇੰਨੀ ਸਸਤੀ ਹੈ? ਮੈਂ ਇੱਕ ਬੇਸਹਾਰਾ ਮਾਂ ਹਾਂ… ਮੈਨੂੰ ਇਨਸਾਫ਼ ਚਾਹੀਦਾ ਹੈ।” ਇਸ ਘਟਨਾ ਤੋਂ ਬਾਅਦ, ਇੰਨਾ ਮਾਕਨ ਦਾ ਭਾਵੁਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਲੱਖਾਂ ਵਿਊਜ਼ ਮਿਲ ਰਹੇ ਹਨ।