Punjab Spectrum
Related Articles
“I abused a lot…,” Shikhar Dhawan recalls couple of his intense fights with Virat Kohli
‘ਮੈਂ ਬਹੁਤ ਗਾ+ਲ੍ਹਾਂ ਕੱਢੀਆਂ’, ਸ਼ਿਖਰ ਧਵਨ ਨੇ ਵਿਰਾਟ ਕੋਹਲੀ ਨਾਲ ਝਗੜੇ ‘ਤੇ ਤੋੜੀ ਚੁੱਪੀ
ਭਾਰਤੀ ਕ੍ਰਿਕਟ ਟੀਮ ਵਿੱਚ ਦੋਸਤੀ ਦੀਆਂ ਕਈ ਕਹਾਣੀਆਂ ਮਸ਼ਹੂਰ ਹਨ, ਪਰ ਜਦੋਂ ਗੱਲ ਵਿਰਾਟ ਕੋਹਲੀ ਅਤੇ ਸ਼ਿਖਰ ਧਵਨ ਦੀ ਹੁੰਦੀ ਹੈ, ਤਾਂ ਪ੍ਰਸ਼ੰਸਕ ਉਨ੍ਹਾਂ ਦੇ ਰਿਸ਼ਤੇ ਨੂੰ ਹਮੇਸ਼ਾ ਖਾਸ ਮੰਨਦੇ ਹਨ। ਮੈਦਾਨ ‘ਤੇ ਦੋਵਾਂ ਨੂੰ ਹੱਸਦੇ-ਮਜ਼ਾਕ ਕਰਦੇ ਦੇਖ ਕੇ ਸ਼ਾਇਦ ਹੀ ਕੋਈ ਸੋਚ ਸਕਦਾ ਹੈ ਕਿ ਉਨ੍ਹਾਂ ਵਿਚਕਾਰ ਕਦੇ ਗੰਭੀਰ ਝਗੜਾ ਵੀ ਹੋਇਆ ਹੋਵੇਗਾ।
ਹਾਲ ਹੀ ਵਿੱਚ, ਇੱਕ ਪੋਡਕਾਸਟ ਵਿੱਚ ਸ਼ਿਖਰ ਧਵਨ ਨੇ ਖੁਦ ਖੁਲਾਸਾ ਕੀਤਾ ਕਿ ਇੱਕ ਸਮਾਂ ਅਜਿਹਾ ਵੀ ਸੀ ਜਦੋਂ ਉਨ੍ਹਾਂ ਦੀ ਅਤੇ ਕੋਹਲੀ ਦੀ ਜ਼ਬਰਦਸਤ ਬਹਿਸ ਹੋ ਗਈ ਸੀ।
ਫੁੱਟਬਾਲ ਵਾਰਮ-ਅੱਪ ਤੋਂ ਸ਼ੁਰੂ ਹੋਇਆ ਝਗੜਾ
ਧਵਨ ਨੇ ਦੱਸਿਆ ਕਿ ਟੀਮ ਇੰਡੀਆ ਦੇ ਵਾਰਮ-ਅੱਪ ਸੈਸ਼ਨ ਦੌਰਾਨ ਫੁੱਟਬਾਲ ਖੇਡਦੇ ਹੋਏ ਉਨ੍ਹਾਂ ਦੀ ਅਤੇ ਕੋਹਲੀ ਦੀ ਝੜਪ ਹੋ ਗਈ ਸੀ। ਉਨ੍ਹਾਂ ਕਿਹਾ, “ਵਿਰਾਟ ਅਤੇ ਮੈਂ ਇੱਕ ਵਾਰ ਲੜੇ ਸੀ। ਫੁੱਟਬਾਲ ਖੇਡਦੇ ਹੋਏ ਸਾਡਾ ਮੋਢਾ ਟਕਰਾ ਗਿਆ। ਇੱਕ ਪਲ ਲਈ ਗੁੱਸਾ ਆ ਗਿਆ।”
ਧਵਨ ਨੇ ਅੱਗੇ ਦੱਸਿਆ ਕਿ ਇਸ ਘਟਨਾ ਤੋਂ ਬਾਅਦ ਹੌਲੀ-ਹੌਲੀ ਟੀਮ ਨੇ ਵਾਰਮ-ਅੱਪ ਵਿੱਚ ਫੁੱਟਬਾਲ ਖੇਡਣਾ ਹੀ ਬੰਦ ਕਰ ਦਿੱਤਾ, ਕਿਉਂਕਿ ਖਿਡਾਰੀ ਅਕਸਰ ਆਪਸ ਵਿੱਚ ਭਿੜ ਜਾਂਦੇ ਸਨ। ਉਨ੍ਹਾਂ ਇਹ ਵੀ ਕਿਹਾ ਕਿ ਕ੍ਰਿਕਟਰ ਸੁਭਾਅ ਤੋਂ ਹੀ ਹਮਲਾਵਰ ਹੁੰਦੇ ਹਨ ਅਤੇ ਹਰ ਕੋਈ ਆਪਣੇ ਆਪ ਨੂੰ ਵੱਡਾ ਮੰਨਦਾ ਹੈ, ਜਿਸ ਕਾਰਨ ਛੋਟੀ ਜਿਹੀ ਗੱਲ ਵੀ ਗਰਮਾ ਸਕਦੀ ਹੈ।
ਰਨ ਆਊਟ ਨੇ ਵਧਾ ਦਿੱਤਾ ਸੀ ਗੁੱਸਾ
ਸਿਰਫ਼ ਫੁੱਟਬਾਲ ਹੀ ਨਹੀਂ, ਸਗੋਂ ਮੈਦਾਨ ‘ਤੇ ਵੀ ਦੋਵਾਂ ਵਿਚਾਲੇ ਤਕਰਾਰ ਹੋਇਆ। ਧਵਨ ਨੇ ਇੱਕ ਪੁਰਾਣੇ ਮੈਚ ਦਾ ਕਿੱਸਾ ਸੁਣਾਇਆ ਜਦੋਂ ਦੱਖਣੀ ਅਫ਼ਰੀਕਾ ਦੌਰੇ ‘ਤੇ ਵਿਰਾਟ ਨੇ ਉਨ੍ਹਾਂ ਨੂੰ ਰਨ ਆਊਟ ਕਰਵਾ ਦਿੱਤਾ ਸੀ। ਉਨ੍ਹਾਂ ਕਿਹਾ, “ਮੈਨੂੰ ਬਹੁਤ ਗੁੱਸਾ ਆਇਆ ਸੀ। ਉਸ ਸਮੇਂ ਮੇਰੀ ਆਈਪੀਐਲ ਨਿਲਾਮੀ ਵੀ ਚੰਗੀ ਨਹੀਂ ਰਹੀ ਸੀ, ਉੱਤੋਂ ਮੈਂ ਰਨ ਆਊਟ ਹੋ ਗਿਆ।
ਮੈਂ ਬਹੁਤ ਗਾਲ੍ਹਾਂ ਕੱਢੀਆਂ। ਵਿਰਾਟ ਕ੍ਰੀਜ਼ ‘ਤੇ ਸਨ ਅਤੇ ਮੈਂ ਡਰੈਸਿੰਗ ਰੂਮ ਵਿੱਚ ਆਪਣਾ ਗੁੱਸਾ ਕੱਢ ਰਿਹਾ ਸੀ”। ਹਾਲਾਂਕਿ, ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਕ੍ਰਿਕਟ ਵਿੱਚ ਅਜਿਹਾ ਹੁੰਦਾ ਰਹਿੰਦਾ ਹੈ ਅਤੇ ਉਹ ਜਾਣਦੇ ਹਨ ਕਿ ਇਹ ਜਾਣਬੁੱਝ ਕੇ ਨਹੀਂ ਕੀਤਾ ਗਿਆ ਸੀ।
ਗੁੱਸੇ ਤੋਂ ਦੋਸਤੀ ਤੱਕ
ਭਾਵੇਂ ਇਨ੍ਹਾਂ ਘਟਨਾਵਾਂ ਕਾਰਨ ਗੁੱਸਾ ਜ਼ਰੂਰ ਵਧਿਆ, ਪਰ ਦੋਵਾਂ ਦੇ ਰਿਸ਼ਤੇ ‘ਤੇ ਕੋਈ ਅਸਰ ਨਹੀਂ ਪਿਆ। ਧਵਨ ਨੇ ਸਾਫ਼ ਕਿਹਾ ਕਿ ਅਜਿਹੇ ਝਗੜੇ ਖੇਡ ਦਾ ਹਿੱਸਾ ਹਨ ਅਤੇ ਅਸਲ ਵਿੱਚ ਉਹ ਅਤੇ ਕੋਹਲੀ ਇੱਕ-ਦੂਜੇ ਨੂੰ ਚੰਗੀ ਤਰ੍ਹਾਂ ਸਮਝਦੇ ਹਨ।
ਧਵਨ ਦਾ ਸੰਨਿਆਸ, ਕੋਹਲੀ ਦਾ ਨਵਾਂ ਸਫ਼ਰ
ਟੀਮ ਇੰਡੀਆ ਦੇ ‘ਗੱਬਰ’ ਸ਼ਿਖਰ ਧਵਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ, ਜਦਕਿ ਵਿਰਾਟ ਕੋਹਲੀ ਹੁਣ ਸਿਰਫ਼ ਵਨਡੇ ਕ੍ਰਿਕਟ ਖੇਡਣਗੇ। ਦੋਵਾਂ ਦੀ ਜੋੜੀ ਨੇ ਭਾਰਤੀ ਕ੍ਰਿਕਟ ਨੂੰ ਕਈ ਯਾਦਗਾਰੀ ਪਲ ਦਿੱਤੇ ਹਨ, ਭਾਵੇਂ ਉਹ ਆਈਸੀਸੀ ਟੂਰਨਾਮੈਂਟ ਹੋਣ ਜਾਂ ਆਈਪੀਐਲ ਦੇ ਮੈਦਾਨ।
You must be logged in to post a comment.