Punjab Spectrum
Related Articles
Punjab ਪੰਜਾਬ ਬੰਦ ਦੌਰਾਨ ਬੈਨਰ ਹਟਾਉਂਦੇ ਸਮੇਂ ਕਰੰਟ ਲੱਗਣ ਨਾਲ 22 ਸਾਲਾ ਨੌਜਵਾਨ ਦੀ ਮੌਤ
ਪੰਜਾਬ ਬੰਦ ਦੌਰਾਨ ਬੈਨਰ ਹਟਾਉਂਦੇ ਸਮੇਂ ਕਰੰਟ ਲੱਗਣ ਨਾਲ 22 ਸਾਲਾ ਨੌਜਵਾਨ ਦੀ ਮੌਤ
ਪੰਜਾਬ ਬੰਦ ਦੌਰਾਨ ਭਗਵੰਤ ਮਾਨ ਸਰਕਾਰ ਦੇ ਬੈਨਰ ਹਟਾਉਂਦੇ ਸਮੇਂ ਕਰੰਟ ਲੱਗਣ ਨਾਲ 22 ਸਾਲਾ ਨੌਜਵਾਨ ਦੀ ਮੌਤ
ਨਸ਼ਾ-ਵਿਰੋਧੀ ਕਾਰਕੁਨ ਪਰਵਿੰਦਰ ਸਿੰਘ ਝੋਟਾ ਦੇ ਕਤਲ ਖਿਲਾਫ਼ ਪੰਜਾਬ ਭਰ ਵਿੱਚ ਰੱਖੇ ਬੰਦ ਅਤੇ ਮੁਜ਼ਾਹਰਿਆਂ ਦੌਰਾਨ ਲੁਧਿਆਣਾ ਵਿੱਚ ਇੱਕ ਦੁਖਦਾਈ ਹਾਦਸਾ ਵਾਪਰ ਗਿਆ ਹੈ।
ਜਮਾਲਪੁਰ ਇਲਾਕੇ (ਚੰਡੀਗੜ੍ਹ ਰੋਡ) ਵਿੱਚ ਧਰਨੇ/ਮੁਜ਼ਾਹਰੇ ਦੌਰਾਨ ਬੈਨਰ ਹਟਾਉਂਦੇ ਸਮੇਂ ਲੋਹੇ ਦੀ ਰਾਡ ਉੱਪਰੋਂ ਲੰਘ ਰਹੀਆਂ ਹਾਈ-ਟੈਂਸ਼ਨ (ਲਗਭਗ 11,000 ਵੋਲਟ) ਬਿਜਲੀ ਤਾਰਾਂ ਨਾਲ ਟਕਰਾ ਗਈ, ਜਿਸ ਕਾਰਨ 22 ਸਾਲਾ ਨੌਜਵਾਨ ਨੂੰ ਤਕੜਾ ਕਰੰਟ ਦਾ ਝਟਕਾ ਲੱਗਿਆ ਅਤੇ ਨੌਜਵਾਨ ਦੀ ਮੌਤ ਹੋ ਗਈ ਹੈ।
ਮ੍ਰਿਤਕ ਦੀ ਪਛਾਣ ਜਸ਼ਨਦੀਪ ਸਿੰਘ ਵਜੋਂ ਹੋਈ ਹੈ ਚਸ਼ਮਦੀਦਾਂ ਅਨੁਸਾਰ ਉਹ ਲੋਹੇ ਦੀ ਰਾਡ ਨਾਲ ਬੈਨਰ ਸੰਭਾਲ ਰਿਹਾ ਸੀ ਜਦੋਂ ਰਾਡ ਉੱਚੀਆਂ ਬਿਜਲੀ ਤਾਰਾਂ ਨਾਲ ਸੰਪਰਕ ਵਿੱਚ ਆ ਗਈ। ਉਹ ਬੇਹੋਸ਼ ਹੋ ਕੇ ਡਿੱਗ ਪਿਆ। ਸਾਥੀਆਂ ਨੇ ਉਸਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ, ਪਰ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।
ਪਰਵਿੰਦਰ ਸਿੰਘ ‘ਝੋਟਾ’ ਨੂੰ ਇਨਸਾਫ਼ ਦਿਵਾਉਣ ਲਈ ਐਕਸ਼ਨ ਕਮੇਟੀ ਵੱਲੋਂ ਦਿੱਤੇ ਗਏ ‘ਪੰਜਾਬ ਬੰਦ’ ਦੇ ਸੱਦੇ ਦੌਰਾਨ ਵਾਪਰੇ ਇੱਕ ਹਾਦਸੇ ਵਿੱਚ ਲੁਧਿਆਣਾ ਵਿਖੇ ਜਸ਼ਨਦੀਪ ਸਿੰਘ ਦੀ ਮੌਤ ਹੋ ਗਈ ਹੈ।
ਜਸ਼ਨਦੀਪ ਦੀ ਭੈਣ (ਮਾਸੀ ਦੀ ਧੀ) ਨੇ ਵੀਡੀਓ ਬਣਾ ਕੇ ਖ਼ੁਲਾਸਾ ਕੀਤਾ ਹੈ ਕਿ ਉਸ ਦਾ ਪਿਤਾ (ਜਸ਼ਨਦੀਪ ਦਾ ਮਾਸੜ) ਖ਼ੁਦ ਨਸ਼ੇ ਦੀ ਗ੍ਰਿਫ਼ਤ ਵਿੱਚ ਹੈ।
ਇਸ ਪੂਰੇ ਵਰਤਾਰੇ ਤੋਂ ਇਹ ਗੱਲ ਬਿਲਕੁਲ ਸਪਸ਼ਟ ਹੋ ਜਾਂਦੀ ਹੈ ਕਿ ਕਿਵੇਂ ਪੰਜਾਬ ਦਾ ਕੋਨਾ-ਕੋਨਾ ਇਸ ਮਾਰੂ ਦੈਤ ਦੇ ਦੰਦ-ਘਸੇੜੇ (ਜਕੜ) ਵਿੱਚ ਆਇਆ ਹੋਇਆ ਹੈ।
“ਸਰਕਾਰ ਦੇ ‘ਯੁੱਧ ਨਸ਼ੇ ਵਿਰੁੱਧ’ ਵਰਗੇ ਨਾਅਰੇ ਖੋਖਲੇ ਸਾਬਤ ਹੋ ਰਹੇ ਹਨ। ਲੋਕਾਂ ਦਾ ਇਹ ਵਿਸ਼ਾਲ ਇਕੱਠ ਆਪ-ਮੁਹਾਰੇ ਸੜਕਾਂ ‘ਤੇ ਨਹੀਂ ਉੱਤਰਿਆ, ਸਗੋਂ ਇਹ ਨਸ਼ਿਆਂ ਦੀ ਮਾਰ ਝੱਲ ਰਹੇ ਆਮ ਲੋਕਾਂ ਅੰਦਰ ਭਰੇ ਰੋਹ ਦਾ ਵਿਸਫ਼ੋਟ ਹੈ।” – Satwant Singh